saaqii terii mahafil me.n ham jaam uchhaale.nge
jab kaabe me.n jaaye.nge zam_zam se nahaa le.nge

ham dast_navardii kaa kuchh aur mazaa le.nge
manzil pe bhii talvo.n ke kaa.NTe na nikaale.nge

ham gulshan-e-fitarat se jiine kii adaa le.nge
shaaKho.n se lachak le.nge kaa.NTo.n se anaa le.nge
 

mere chehare se Gam aashakaaraa nahii.n
ye na samajho ke mai.n Gam kaa maaraa nahii.n 

Duubane ko to Duube magar naaz hai
ahl-e-saahil ko ham ne pukaaraa nahii.n 

yuu.N dikhaataa hai aa.Nkhe.n hame.n baaG_baa.N
jaise gulshan pe kuchh haq hamaaraa nahii.n 

zikr-e-saaqii hii kaafii nahii.n ai ’Fana’
bepiye maikade me.n guzaaraa nahii.n 

ko_ii samajhegaa kyaa raaz-e-gulashan
jab tak ulajhe na kaa.NTo.n se daaman 

yak-ba-yak saamane aanaa jaanaa
ruk na jaaye kahii.n dil kii dha.Dakan 

gul to gul Khaar tak chun liye hai.n
phir bhii Khaalii hai gulchii.n kaa daaman 

kitanii aaraa_ish-e-aashiyaanaa
TuuT jaaye na shaaKh-e-nasheman 

azamat-e-aashiyaanaa ba.Daa dii
barq ko dost samajhuu.N ke dushman 

jab bhii nazm-e-maikadaa badalaa gayaa
ek na ek jaam-e-hasii.n to.Daa gayaa 

jab safiinaa mauj se Takaraa gayaa
naaKhudaa ko bhii Khudaa yaad aa gayaa 

[safiinaa=ship/boat; naaKhudaa=oarsman (also personifying evil)] 

mai.n ne chhe.Daa qissaa-e-jaur-e-falak
jaane kyuu.N un ko pasiinaa aa gayaa 

[jaur=oppression] 

dekh kar un kii jafaao.n kaa Khuluus
mai.n vafaa ke naam par sharmaa gayaa 

aap ab aaye.N hai.n aa.Nsuu po.nchane
jab mere daaman pe dhabbaa aa gayaa 

din guzar gayaa aitabaar me.n
raat kaT ga_ii intazaar me.n 

vo mazaa kahaa.N vasl-e-yaar me.n
lutf jo milaa intazaar me.n 

un kii ik nazar kaam kar ga_ii
hosh ab kahaa.N hoshiyaar me.n 

mere kaase me.n kaayenaat hai
mai.n huu.N aap ke iKhtiyaar me.n 

aa.Nkh to uThii phuul kii taraf
dil ulajh gayaa husn-e-Khaar me.n 

tum se kyaa kahe.n kitane Gam sahe
ham ne be-vafaa tere pyaar me.n 

fikr-e-aashiyaa.N har Khizaam kii
aashiyaa.N jalaa har bahaar me.n 

kis tarah ye Gam bhuul jaaye ham
vo judaa huaa is bahaar me.n 

dil se agar kabhii teraa aramaan jaayegaa
ghar ko lagaake aag ye mehamaan jaayegaa

sab honge us se apane ta’arruf kii fikr me.n
mujh ko mere sukuut se pahachaan jaayegaa

is kufr-e-ishq se mujhe kyo.n rokate ho tum
imaan vaalo meraa hii imaan jaayegaa

aaj us se mai.n ne shikavaa kiyaa thaa sharaaratan
kis ko Khabar thii itanaa buraa maan jaayegaa

ab us muqaam par hai.n merii beqaraariyaa.N
samajhane vaalaa hoke pashemaan jaayegaa

duniyaa pe aisaa vaqt pa.Degaa ki ek din
insaan kii talaash me.n insaan jaayegaa

sar_faroshii kii tamannaa ab hamaare dil me.n hai
dekhanaa hai zor kitanaa baazuu-e-qaatil me.n hai

karataa nahii.n kyo.n duusaraa kuchh baat-chiit
dekhataa huu.N mai.n jise vo chup terii mahafil me.n hai

ai shaahid-e-mulk-o-millat mai.n tere uupar nisaar
ab terii himmat kaa charchaa Gair kii mahafil me.n hai

[mulk = country; millat = nation/faith]

vaqt aane de bataa de.nge tujhe ai aasmaa.N
ham abhii se kyaa bataaye.n kyaa hamaare dil me.n hai

khii.nch kar laa_ii hai.n sab ko qatl hone kii ummiid
aashiqo.n kaa aaj jam_ghaT kuuchaa-e-qaatil me.n hai

HUMARE DOSTE PHULO KE TARHA NA HO,

JO EK BAR KILE OUR MURJAH JAYE,

BALKE

KANTO KE TARHA HO JE EK BAR CHUBHE ,TO DO BAR YAAD AYE………..

……APNE DOSTE KO KISE KE WAJHE SE MAT CHOR DYE…

BAL KE AAPNE PROBLEMS KO BAT KAR K SULJHYE…..

Bisaat-e-jaan pe azab utarte hain kis tarah

Shab-o-roz dil pe ataab utarte hain kis tarah

Kabhi ishq ho to pata chaley

Ye jo log se chuppey huey hain pas-e-dostaan

To ye kon hain?

Ye jo rog se hain chuppe huey pas-e-jism-o-jan

To ye kis liye?

Ye jo kaan hain meri aahaton pe lagey huey

To ye ku bhala?

Ye jo hont hain saf-e-dostaan main siley huey

To ye kis liye?

Ye jo iztaraab racha hua hai wajood main

To ye kun bhala?

Ye jo sang sa koi aa gira hai jamood main

To ye kis liye?

Ye jo dard dil main chira hua hai lateef sa

To ye kab se hai?

Ye jo putliyon main hai aks koi khafeef sa

So ye kab se hai?

Ye jo aankh main koi baraf si hai jami hui

To ye kis liye?

Ye jo doston main nai nai si kami hui

To ye kyun bhala?

Ye jo log peechey parey huey hain fazool main

Unhain kya pata unhain kya khabar?

Kisi raah k kisi mor per jo unhain zara

Kabhi ishq ho to pata chaley?

suna hoga bohat tum ne ….

kahiN aankhoN ki rim jhim ka

kahin palkoN ki shabnam ka…

parha hoga bohat tumne ….

kahiN lehjay ki barish ka

kahiN sagar ke aansoo ka…

magar tum ne kabhi humdam …

kahin daikhay? kahin parkhay?

kisi tehreer ke aansoo??…!!

mujhe teri judaai ne …

yehi mairaaj bakhshi hai…

ke main jo lafz likhta hooN …

woh saray lafz rotay hain

ke main jo harf bunta hooN …

woh saray bain kartay hain

mere sang is judaai main …

mere alfaz martay hain

sabhi tareef kartay hain …

meri tehreer ki lekin..

kabhi koi nahin sunta …

mere alfaz ki siski…

falak bhi jo hila daalay..

mere lafzoN main hain shamil …

usi taseer ke aansoo…

kabhi daikho mere humdam…

meri tehreer ke aansoo..!!!