na shivaale na kalisaa na haram jhuuThe hai.n
bas yahii sach hai ke tum jhuuThe ho ham jhuuThe hai.n  

ham ne dekhaa hii nahii.n bolate un ko ab tak
kaun kahataa hai ke patthar ke sanam jhuuThe hai.n  

un se miliye to Khushii hotii hai un se milakar
shahar ke duusare logo.n se jo kam jhuuThe hai.n 

kuchh to hai baat jo tahariiro.n me.n taasiir nahii.n
jhuuThe fan_kaar nahii.n hai.n to qalam jhuuThe hai.n 

dekhaa to meraa saayaa bhii mujh se judaa milaa
sochaa to har kisii se meraa sil_silaa milaa 

shahar-e-vafaa me.n ab kise ahal-e-vafaa kahe.n
ham se gale milaa to vo hii bevafaa milaa 

fursat kise thii jo merii haalaat puuchhataa
har shaKhs apane baare me.n kuchh sochataa milaa 

us ne to Khair apano.n se mo.Daa thaa muu.Nh haaye
mai.n ne ye kyaa kiyaa ke mai.n Gairo.n se jaa milaa 

bebasii jurm hai hausalaa jurm hai
zindagii terii ik-ik adaa jurm hai 

ai sanam tere baare me.n kuchh soch kar
apane baare me.n kuchh sochanaa jurm hai 

yaad rakhanaa tujhe meraa ek jurm thaa
bhuul jaanaa tujhe duusaraa jurm hai 

kyaa sitam hai ke tere hasii.n shehar me.n
har taraf gaur se dekhanaa jurm hai