SHAAIRY » Bashir Badr

yuu.N hii besabab na phiraa karo, ko_ii shaam ghar bhii rahaa karo

admin — Thu, 14 May 2009 10:14:53 +0000

yuu.N hii besabab na phiraa karo, ko_ii shaam ghar bhii rahaa karo
vo Gazal kii sachchii kitaab hai, use chupake chupake pa.Daa karo

ko_ii haath bhii na milaayegaa, jo gale miloge tapaak se
ye naye mizaaj kaa shahar hai, zaraa faasale se milaa karo

abhii raah me.n ka_ii mo.D hai.n, ko_ii aayegaa ko_ii jaayegaa
tumhe.n jisane dil se bhulaa diyaa use bhuulane kii duaa karo

mujhe ishtahaar sii lagatii hai.n, ye mohabbato.n kii kahaaniyaa.N
jo kahaa nahii.n vo sunaa karo, jo sunaa nahii.n vo kahaa karo

kabhii husn-e-pardaanashii.n bhii ho zaraa aashiqaanaa libaas me.n
jo mai.n ban-sa.Nvar ke kahii.n chaluu.N, mere saath tum bhii chalaa karo

ye Khizaa kii zard-sii shaam me.n, jo udaas pe.D ke paas hai
ye tumhaare ghar kii bahaar hai, ise aa.nsuo.n se haraa karo

nahii.n behijaab vo chaa.Nd saa ki nazar kaa ko_ii asar nahii.n
use tanii garmi-e-shauq se ba.Dii der tak na takaa karo

ye chiraaG benazar hai ye sitaaraa bezubaa.N hai

admin — Thu, 14 May 2009 10:14:12 +0000

ye chiraaG benazar hai ye sitaaraa bezubaa.N hai
abhii tujhase milataa julataa koii duusaraa kahaa.N hai

vahii shaKhs jisape apane dil-o-jaa.N nisaar kar duu.N
vo agar Khafaa nahii.n hai to zaruur badagumaa.N hai

kabhii paa ke tujhako khonaa kabhii kho ke tujhako paanaa
ye janam janam kaa rishtaa tere mere daramiyaa.N hai

mere saath chalanevaale tujhe kyaa milaa safar me.n
vahii dukh bharii zamii.n hai vahii Gam kaa aasmaa.N hai

mai.n isii gumaa.N me.n baraso.n ba.Daa mutma_in rahaa huu.N
teraa jism betaGaiyyur hai meraa pyaar jaavidaa.N hai

[mutma_in=satisfied; betaGaiyyur=unchanged; jaavidaa.N=eternal]

u.nhii.n raasto.n ne jin par kabhii tum the saath mere
mujhe rok rok puuchhaa teraa hamasafar kahaa.N hai

ye chaa.Ndanii bhii jin ko chhuute hue Daratii hai

admin — Thu, 14 May 2009 10:01:48 +0000

ye chaa.Ndanii bhii jin ko chhuute hue Daratii hai
duniyaa u.nhii.n phuulo.n kopairo.n se masalatii hai

shoharat kii bula.ndii bhii pal bhar kaa tamashaa hai
jis Daal pe baiThe ho vo TuuT bhii sakatii hai

lobaan me.n chi.ngaarii jaise koii rakh de
yuu.N yaad terii shab bhar siine me.n sulagatii hai

aa jaataa hai Khud khe.Nch kar dil siine se paTarii par
jab raat kii sarahad se ik rel guzaratii hai

aa.Nsuu kabhii palako.n par taa der nahii.n rukate
u.D jaate hai.n ue pa.nchhii jab shaaKh lachakatii hai

Khush rang pari.ndo.n ke lauT aane ke din aaye
bichha.De hue milate hai.n jab barf pighalatii hai

yaad kisii kii chaa.Ndanii ban kar koThe koThe utarii hai

admin — Thu, 14 May 2009 10:01:10 +0000

yaad kisii kii chaa.Ndanii ban kar koThe koThe utarii hai
yaad kisii kii dhuup hu_ii hai ziinaa ziinaa utarii hai

raat kii raanii sahan-e-chaman me.n gesuu khole sotii hai
raat-beraat udhar mat jaanaa ik naagin bhii rahatii hai

tum ko kyaa tum Gazale.n kah kar apanii aag bujhaa loge
us ke jii se puuchho jo patthar kii tarah chup rahatii hai

patthar lekar galiyo.n galiyo.n la.Dake puuchhaa karate hai.n
har bastii me.n mujh se aage shoharat merii pahu.Nchatii hai

muddat se ik la.Dakii ke ruKhsaar kii dhuup nahii.n aa_ii
isii liye mere kamare me.n itanii Tha.nDak rahatii hai

vo thakaa huaa merii baaho.n me.n zaraa so gayaa thaa to kyaa huaa

admin — Thu, 14 May 2009 09:59:31 +0000

vo thakaa huaa merii baaho.n me.n zaraa so gayaa thaa to kyaa huaa
abhii mai.n ne dekhaa hai chaa.Nd bhii kisii shaaKh-e-gul pe jhukaa huaa

jise le ga_ii hai abhii havaa vo varaq thaa dil kii kitaab kaa
kahii.n aa.Nsuo.n se miTaa huaa kahii.n aa.Nsuo.n se likhaa huaa

[varaq = page]

ka_ii miil ret ko kaaT kar ko_ii mauj phuul khilaa ga_ii
ko_ii pe.D pyaas se mar rahaa hai nadii ke paas kha.Daa huaa

[mauj = wave]

mujhe haadaso.n se sajaa sajaa ke bahut hasiin banaa diyaa
meraa dil bhii jaise dulhan kaa haath ho mehandiyo.n se rachaa huaa

vahii Khat ke jis pe jagah jagah do mahakate ho.nTho.n ke chaa.Nd the
kisii bhuule-bisare se taaq par tah-e-gard hogaa dabaa huaa

[taaq = shelf; tah-e-gard = under the dust]

vahiii shahar hai vahii raaste vahii ghar hai aur vahii laan bhii
magar us dariiche se puuchhanaa vo daraKht anaar kaa kyaa huaa

[dariichaa = window; daraKht = tree]

mere saath juganuu hai ham_safar magar is sharar kii bisaat kyaa
ye charaaG ko_ii charaaG hai na jalaa huaa na bujhaa huaa

vo Gazal vaalo.n kaa usluub samajhate ho.nge

admin — Thu, 14 May 2009 09:58:51 +0000

vo Gazal vaalo.n kaa usluub samajhate ho.nge
chaa.Nd kahate hai.n kise Khuub samajhate ho.nge

[usluub=style]

itanii milatii hai merii Gazalo.n se suurat terii
log tujhako meraa mahabuub samajhate ho.nge

mai.n samajhataa thaa muhabbat kii zabaa.N Khushbuu hai
phuul se log ise Khuub samajhate ho.nge

bhuul kar apanaa zamaanaa ye zamaane vaale
aaj ke pyaar ko maayuub samajhate ho.nge

vo chaa.Ndanii kaa badan Khushbuuo.n kaa saayaa hai

admin — Thu, 14 May 2009 09:58:09 +0000

vo chaa.Ndanii kaa badan Khushbuuo.n kaa saayaa hai
bahut aziz hame.n hai magar paraayaa hai

utar bhii aao kabhii aasamaa.N ke ziine se
tumhe.n Khudaa ne hamaare liye banaayaa hai

mahak rahii hai zamii.n chaa.Ndanii ke phuulo.n se
Khudaa kisii kii muhabbat pe muskuraayaa hai

use kisii kii muhabbat kaa aitabaar nahii.n
use zamaane ne shaayad bahut sataayaa hai

tamaam umr meraa dam use dhue.N se ghuTaa
vo ik charaaG thaa mai.n ne use bujhaayaa hai

vahii taaj hai vahii taKht hai vahii zahar hai vahii jaam hai

admin — Thu, 14 May 2009 09:57:29 +0000

vahii taaj hai vahii taKht hai vahii zahar hai vahii jaam hai
ye vahii Khudaa kii zamiin hai ye vahii buto.n kaa nizaam hai

ba.De shauq se meraa ghar jalaa koii aa.Nch na tujhape aayegii
ye zubaa.N kisii ne Khariid lii ye qalam kisii kaa Gulaam hai

mai.n ye maanataa huu.N mere diye terii aa.Ndhiyo.N ne bujhaa diye
magar ik juganuu havaao.n me.n abhii raushanii kaa imaam hai

daas aa.Nkho.n se aa.Nsuu nahii.n nikalate hai.n

admin — Thu, 14 May 2009 09:56:56 +0000

udaas aa.Nkho.n se aa.Nsuu nahii.n nikalate hai.n
ye motiyo.n kii tarah siipiyo.n me.n palate hai.n

ghane dhue.N me.n farishte bhii aa,Nkh malate hai.n
tamaam raat khajuuro.n ke pe.D jalate hai.n

mai.n shaah raah nahii.n, raaste kaa patthar huu.N
yahaa.N savaar bhii paidal utar kar chalate hai.n

u.nhe.n kabhii na bataanaa mai.n unakii aa.Nkhe.n huu.N
vo log phuul samajhakar mujhe masalate hai.n

ye ek pe.D hai, aa is se milakar ro le.n ham
yahaa.N se tere mere raaste badalate hai.n

ka_ii sitaaro.n ko mai.n jaanataa huu.N bachapan se
kahii.n bhii jaauu.N mere saath saath chalate hai.n

sun lii jo Khudaa ne vo duaa tum to nahii.n ho

admin — Thu, 14 May 2009 09:56:16 +0000

sun lii jo Khudaa ne vo duaa tum to nahii.n ho
daravaaze pe dastak kii sadaa tum to nahii.n ho

simaTii hu_ii sharmaa_ii hu_ii raat kii raanii
so_ii hu_ii kaliyo.n kii hayaa tum to nahii.n ho

mahasuus kiyaa tum ko to giilii hu_ii palke.n
bhiige huye mausam kii adaa tum to nahii.n ho

in ajanabii raaho.n me.n nahii.n ko_ii bhii meraa
kis ne mujhe yuu.N apanaa kahaa tum to nahii.n ho