vo sab me.n ham ko baar-e-diigar dekhate rahe
ham un kaa i.ntaKhaab-e-nazar dekhate rahe

[baar-e-digar=second; i.ntaKhaab=to choose]

daaman bachaake ashko.n se vo to nikal gaye
ham der tak zamii.n par guhar dekhate rahe

[guhar=pearl]

ham beniyaaz baiThe huye un kii bazm me.n
auro.n kii ba.ndagii kaa asar dekhate rahe

[beniyaaz=unacknowledged; ba.ndagii=worship]

aa_ii sahar to aur ba.Daa bijaliyo.n kaa zor
shab bhar ham i.ntezaar-e-sahar dekhate rahe

[sahar=dawn; shab=night]

sholo.n kii zad par sabhii the, kis ko pukarate
har simt Khirmano.n me.n sharar dekhate rahe

[zad=; simt=direction; Khirmano.n=fields; sharar=spark]

kyo.nkar sa.Nbhaalate hame.n vo naaKhudaa jo Khud
saahil kii aafiyat se bha.Nvar dekhate rahe

[naaKhudaa=boatsman; saahil=river-side; aafiyat=security/safety]

ma.nzil kii dhun me.n aabalaa_paa chal kha.De huye
aur shah-savaar gard-e-safar dekhate rahe

tum chup rahe payaam-e-muhabbat yahii to hai
aa.nkhe.n jhukii.n nazar kii qayaamat yahii to hai

mahafil me.n log chau.Nk pa.De mere naam par
tum muskuraa diye merii qiimat yahii to hai

tum puchhate ho tumane shikaayat bhii kii kabhii
sach puuchhiye to mujahko shikaayat yahii to hai

vaade the beshumaar magar ai mizaaj-e-yaar
ham yaad kyaa dilaaye.N nazaakat yahii to hai

mere talab kii had hai na tere ataa kii had
mujahko tere karam se nidaamat yahii to hai