kamar baa.Ndhe huye chalane pe yaa.N sab yaar baiThe hai.n
bahut aage gaye, baaqii jo hai.n tayyaar baiThe hai.n

na chhe.D ai nikahat baad-e-bahaarii, raah lag apanii
tujhe aThakheliyaa.N suujhii hai.n, ham bezaar baiThe hai.n

[nikahat=fragnance; baad=wind; ]

Khayaal un kaa pare hai arsh-e-aazam se kahii.n saaqii
garaz kuchh aur dhun me.n is gha.Dii maiKhvaar baiThe hai.n

basaane naqsh-e-paa-e-raharavaa.N kuu-e-tamannaa me.n
nahii.n uThane kii taaqat kyaa kare.n laachaar baiThe hai.n

(Like the footprint of the traveller in the lane of love
I have lost the strength to raise myself, the will to make a move)

kahe.n hai.n sabr kis ko aah na.ng-o-naam hai kyaa shai
garaz ro piiTakar in sab ko ham yakabaar baiThe hai.n

(The virtues they call patience, fame and honour, and strength of mind
I have wept and beat my head for them, and now I sit resigned)

kahii.n bose kii mat jurrat dilaa! kar baiThiyo un se
abhii is had ko vo kaifii nahii.n hoshiyaar baiThe hai.n

[bosaa=kiss; dilaa=O heart]

(O heart! forbear to kiss her on her lips, for she is not ready
she has not drunk enough to make her feel a but unsteady)

najiibo.n kaa ajab kuchh haal hai is daur me.n yaaro.n
jise puuchho yahii kahate hai.n ham bekaar baiThe hai.n

[najiib=noblemen; daur=age]

na_ii yah vazaa sharmaane kii siikhii aaj hai tum ne
hamaare paas saahab varnaa yuu.N sau baar baiThe hai.n

[vazaa=way]

(Today you have learnt another way of being shy my dear
It is not the first time you have sat beside me here)

kahaa.N gardish falak kii chain detii hai sunaa ’Insha’
Ganiimat hai ki ham-suurat yahaa.N do chaar baiThe hai.n

(So tell me, Insha, where to rest, which way does my fortune bend
I am thankful that at least I still have one or two good friends)

Khayaal kiijiye kyaa kaam aaj mai.n ne kiyaa
jab unne dii mujhe gaalii salaam mai.n ne kiyaa

kahaa ye sabr ne dil se ke lo Khudaahaafiiz
ke haq-e-ba.ndagii apanaa tamaam mai.n ne kiyaa

jhi.Dak ke kahane lage lab chale bahut ab tum
kabhii jo bhuul ke unase kalaam mai.n ne kiyaa

havas ye rah gaii saahib ne par kabhii na kahaa
ke aaj se tujhe "Insha" Gulaam mai.n ne kiyaa

"Insha" jii uTho ab kuuch karo is shahar me.n jii kaa lagaanaa kyaa
vahashii ko sukuu.N se kyaa matalab jogii kaa nagar me.n Thikaanaa kyaa

[vahashii=wild; sukuu.N=contentment]

is dil ke dariidaa-daaman ko dekho to sahii, socho to sahii
jis jholii me.n sau chhed hu_e us jholii ko phailaanaa kyaa

[dariidaa-daaman=torn clothing]

shab bitii chaa.Nd bhii Duub gayaa za.njiir pa.Dii daravaaze me.n
kyo.n der gaye ghar aaye ho sajaanii se karoge bahaanaa kyaa

[shab=night]

us husn ke sache motii ko ham dekh sake.n par chhuu na sake.n
jise dekh sake.n par chhuu na sake.n vo daulat kyaa vo Khazaanaa kyaa

us ko bhii jalaa dukhate hu_e man ik sholaa laal bhabhukhaa ban
yuu.N aa.Nsuu ban bah jaanaa kyaa yuu.N maaTii me.n mil jaanaa kyaa

jab shahar ke log na rastaa dekhe.n kyo.n ban me.n na jaa bisraam kare
diivaano.n kii-sii na baat kare to aur kare diivaanaa kyaa

achchhaa jo Khafaa ham se ho tum ai sanam achchhaa
lo ham bhii na bole.nge Khudaa kii qasam achchhaa

mashGuul kyaa chaahiiye is dil ko kisii taur
le leve.nge Dhuu.NDh aur koii yaar ham achchhaa

garmii ne kuchh aag aur hii siine me.n lagaa dii
har taur gharaz aap se milanaa hai kam achchhaa

aGiyaar se karate ho mere saamane baate.n
mujhapar ye lage karane nayaa tum sitam achchhaa

kah kar gae aataa huu.N koii dam me.n mai.n tum paas
phir de chale kal kii sii tarah mujhako dam achchhaa

is hastii-e-mauhuum se mai.n ta.ng huu.N "Insha"
vallaah ke us se ??????? dam achchhaa