go zaraa sii baat par baraso.n ke yaaraane gaye
lekin itanaa to huaa kuchh log pahachaane gaye

garmii-e-mahafil faqat ik naaraa-e-mastaanaa hai
aur vo Khush hai.n ki is lahafil se diivaane gaye

mai.n ise shoharat kahuu.N yaa apanii rusvaaii kahuu.N
mujhase pahale us galii me.n mere afasaane gaye

yuu.N to vo merii rag-e-jaa.N se bhii the nazadiik tar
aa.Nsuuo.n kii dhu.Ndh me.n lekin na pahachaane gaye

vahashate.n kuchh is tarah apanaa muqadaar ho gaii.n
ham jahaa.N pahu.Nche hamaare saath viiraane gaye

ab bhii un yaado.n kii Khushbuu zehan me.n mahafuus hai
baarahaa ham jin se gulazaaro.n ko mahakaane gaye

kyaa qayaamat hai ki ’Khatir’ kushtaa-e-shab bhii the ham
sub_h jab huii to mujarim ham hii gardaane gaye

kaisii chalii hai ab ke havaa tere shahar me.n
ba.nde bhii ho gaye hai.n Khudaa tere shahar me.n

kyaa jaane kyaa huaa ke pareshaan ho gaye
ik lahzaa ruk ga_ii thii sabaa tere shahar me.n

kuchh dushmanii kaa Dhab hai.n na ab dostii ke taur
dono.n kaa ek rang huaa tere shahar me.n

shaayad u.nhe.n pataa thaa ke ‘Khatir’ hai ajanabii
logo.n ne us ko luuT liyaa tere shahar me.n