patthar sulag rahe the ko_ii naqsh-e-paaa na thaa
ham us taraf chale the jidhar raastaa na thaa

parchhaa_iyo.n ke shahar kii tanhaa_iiyaa.N na puuchh
apanaa shariik-e-Gam ko_ii apane sivaa na thaa

yuu.N dekhatii hai gum_shudaa lamho.n ke mo.D se
is zindagii se jaise ko_ii vaastaa na thaa

cheharo.n pe jam ga_ii thii.n Khayaalo.n kii ulajhane.n
lafzo.n kii justajuu me.n ko_ii bolataa na thaa

Khurshiid kyaa ubhaarate dil kii taho.n se ham
is anjuman me.n ko_ii sahar_aashanaa na thaa

hashr jaisii vo gha.Dii hotii hai
dil pe uftaad pa.Dii hotii hai
sard aaho.n kii jha.Dii hotii hai
garm ashko.n kii la.Dii hotii hai
soch raasto.n me.n ga.Dii hotii hai
hijr kii raat kaa aalam taubaa
hijr kii raat ka.Dii hotii hai

mujh se meraa kyaa rishtaa hai har ik rishtaa bhuul gayaa
itane aa_iine dekhe hai.n apanaa cheharaa bhuul gayaa

ab to ye bhii yaad nahii.n hai farq thaa kitanaa dono.n me.n
us kii baate.n yaad rahii.n aur us kaa lahajaa bhuul gayaa

pyaasii dhartii ke ho.nTho.n par meraa naam nahii.n to kyaa
mai.n vo baadal kaa tuka.Daa huu.N jis ko dariyaa bhuul gayaa

duniyaa vaale kuchh bhii kahe.n "Raashid" apanii majabuurii hai
us kii galii jab yaad aa_ii hai ghar kaa rastaa bhuu gayaa

ghar chho.D ke bhii zindagii hairaaniyo.n me.n hai
shaharo.n kaa shor dasht kii viiraaniyo.n me.n hai

[dasht = desert/wilderness]

kitanaa kahaa thaa us se ke daaman sameT le
ab vo bhii mere saath pareshaaniyo.n me.n hai

laharo.n me.n Dhuu.NDhataa huu.N mai.n khoye huye nagiin
cheharo.n kaa aks bahate huye paaniyo.n me.n hai

[aks = reflection]

Darataa huu.N ye bhii vaqt ke haatho.n se miT na jaaye
halkee sii jo chamak abhii peshaaniyo.n me.n hai

[peshaanii = forehead]

dard kii baarish sahii maddham zaraa aahistaa chal
dil kii miTTii hai abhii tak nam zaraa aahistaa chal

tere milane aur phir tere bichha.D jaane ke biich
faasalaa rusvaa_ii kaa hai kam zaraa aahistaa chal

apane dil hii me.n nahii.n hai us kii maharuumii kii yaad
us kii aa.Nkho.n me.n bhii hai shabanam zaraa aahistaa chal

ko_ii bhii ho ham-safar ’Raashid’ na ho Khush is qadar
ab ke logo.n me.n vafaa hai kam zaraa aahistaa chal

aaj bhii hai.n mere qadamo.n ke nishaa.N aavaaraa
terii galiyo.n me.n bhaTakate the jahaa.N aavaaraa

tujh se kyaa bichha.De to ye ho ga_ii apanii haalat
jaise ho jaaye havaao.n me.n dhuaa.N aavaaraa

mere shero.n kii thii pahachaan usii ke dam se
us ko kho kar hue benaam-o-nishaa.N aavaaraa

jis ko bhii chaahaa use TuuT ke chaahaa "Raashid"
kam mile.nge tumhe.n ham jaise yahaa.N aavaaraa

tum ko ham dil me.n basaa le.nge tum aao to sahii
saarii duniyaa se chhupaa le.nge tum aao to sahii

ek vaadaa karo ab ham se na bhichha.Doge kabhii
naaz ham saare uThaa le.nge tum aao to sahii

bevafaa bhii ho sitamagar bhii jafaa_peshaa bhii
ham Khudaa tum ko banaa le.nge tum aao to sahii

yuu.N to jis simt nazar uThatii hai taariikii hai
pyaar ke diip jalaa le.nge tum aao to sahii

iKhtalaafaat bhii miT jaaye.nge raftaa raftaa
jis tarah hogaa nibhaa le.nge tum aao to sahii

dil kii viiraanii se ghabaraake na muu.Nh ko mo.Do
bazm ye phir se sajaa le.nge tum aao to sahii

raah taariik hai aur duur hai manzil lekin
dard kii shamae.N jalaa le.nge tum aao to sahii

Khushiyaa.N hamaarii sar-e-daar tak ga_ii.n
rusvaa_iyaa.N bhii kuuchaa-o-baazaar tak ga_ii.n

tanhaa_iyo.n ne faasale saare miTaa diye
parchhaa_iyaa.N merii terii diivaar tak gayii.n

vo ehataraam-e-Gam thaa ke lab tak naa hil sake
nazare.n uThii.n to sar-e-hadd-e-guftaar tak gayii.n

tum ne jalaayaa meraa nasheman to Gam nahii.n
chi.ngaariyaa.N u.Dii.n gul-o-gulazaar tak gayii.n

Garqaab hone vaalo.n ko kuchh to milii madad
saahil se kuchh sadaaye.n majhadhaar tak gayii.n

kaisaa chalan hai gardish-e-lail-o-nahaar kaa
shikavaa har ek ko hai Gam-e-rozagaar kaa

TuuTii jo aas jal gaye palko.n pe sau chiraaG
nikharaa kuchh aur rang shab-e-intazaar kaa

is zindagii ii ham se haqiiqat na puuchhiye
ik jabr jis ko naam diyaa iKhtiyaar kaa

ye kaun aa gayaa merii bazm-e-Khayaal me.n
puuchaa mizaaj kisane dil-e-soGavaar kaa

dekho phir aaj ho na jaaye kahii.n Khuun-e-aitamaad
dekho na TuuT jaaye fusuu.N aitabaar kaa