jab aadamii ke peT me.n aatii hai.n roTiyaa.N
phuulii nahii.n badan me.n samaaatii hai.n roTiyaa.N
aa.Nkhe.n parii_ruKho.n se la.Daatii hai.n roTiyaa.N
siine uupar bhii haath chalaatii hai.n roTiyaa.N

jitane maze hai.n sab ye dikhaatii hai.n roTiyaa.N

roTii se jis kaa naak talak peT hai bharaa
karataa phire hai kyaa vo uchhal kuud jaa ba jaa
diivaar phaa.Nd kar ko_ii koThaa uchhal gayaa
ThaaThTha ha.Nsii sharaab sanam saaqii is sivaa

sau sau tarah kii dhuum machaatii hai.n roTiyaa.N

jis jaa pe haa.NDii chuulhaa tavaa aur tanuur hai
Khaaliq ke qudarato.n kaa usii jaa zahuur hai
chuulhe ke aage aa.Nch jo jalatii hazuur hai
jitane hai.n nuur sab me.n yahii Khaas nuur hai

is nuur ke sabab nazar aatii hai.n roTiyaa.N

aave tave tanuur kaa jis jaa zabaa.N pe naam
yaa chakkii chuulhe kaa jahaa.N gul_zaar ho tamaam
vaa.N sar jhukaa ke kiijiye DanDavat aur salaam
is vaaste ke Khaas ye roTii ke hai.n muqaam

pahale inhii.n makaano.n me.n aatii hai.n roTiyaa.N

in roTiyo.n ke nuur se sab dil hai.n puur puur
aaTaa nahii.n hai chhalanii se chhan chhan gire hai nuur
pe.Daa har ek us kaa hai barfii-o-motii chuur
har_giz kisii tarah na bujhe peT kaa tanuur

is aag ko magar ye bujhaatii hai.n roTiyaa.N

puuchhaa kisii ne ye kisii kaamil faqiir se
ye mehr-o-maah haq ne banaaye hai.n kaahe ke
vo sun ke bolaa baabaa Khudaa tujh ko Khair de
ham to na chaa.Nd samajhe na suuraj hai.n jaanate

baabaa hame.n to ye nazar aatii hai.n roTiyaa.N

phir puuchhaa us ne kahiye ye hai dil kaa nuur kyaa
is ke mushaahide me.n hai khulataa zahuur kyaa
vo bolaa sun ke teraa gayaa hai sha_uur kyaa
kashf-ul-quluub aur ye kashf-ul-qubuur kyaa

jitane hai.n kashf sab ye dikhaatii hai.n roTiyaa.N

roTii jab aa_ii peT me.n sau qand ghul gaye
gul_zaar phuule aa.Nkho.n me.n aur aish tul gaye
do tar nivaale peT me.n jab aa ke dhul gaye
chaudaa tabaq ke jitane the sab bhed khul gaye

ye kashf ye kamaal dikhaatii hai.n roTiyaa.N

roTii na peT me.n ho to phir kuchh jatan na ho
mele kii sair Khvaahish-e-baaG-o-chaman na ho
bhuuke Gariib dil kii Khudaa se lagan na ho
sach hai kahaa kisii ne ke bhuuke bhajan na ho

allaah kii bhii yaad dilaatii hai.n roTiyaa.N

ab jin ke aage maal_puye bhar ke thaal hai.n
puurii bhagat unhii.n kii vo saahab ke laal hai.n
aur jin ke aage rauGanii aur shiir_maal hai
aarif vohii hai.n aur vohii saahab kamaal hai.n

pakii pakaa_ii ab jinhe.n aatii hai.n roTiyaa.N

kapa.De kisii ke laal hai.n roTii ke vaaste
lambe kisii ke baal hai.n roTii ke vaaste
baa.Ndhe ko_ii rumaal hai rotii ke vaaste
sab kashf aur kamaal hai.n rotii ke vaaste

jitane hai.n ruup sab ye dikhaatii hai.n roTiyaa.N

roTii se naache piyaadaa qavaayad dikhaa dikhaa
asavaar naache gho.De ko kaavaa lagaa lagaa
ghungharuu ko baa.Ndhe paik bhii phirataa hai naachataa
aur is ke sivaa Gaur se dekho to jaa ba jaa

sau sau tarah ke naach dikhaatii hai.n roTiyaa.N

duniyaa me.n ab badii na kahii.n aur niko_ii hai
na dushmanii va dostii na tund kho_ii hai
ko_ii kisii kaa aur kisii kaa na ko_ii hai
sab ko_ii hai usii kaa ke jis haath Do_ii hai

naukar nafar Gulaam banaatii hai.n roTiyaa.N

roTii kaa ab azal se hamaaraa to hai Khamiir
ruukhii bhii roTii haq me.n hamaare hai shahad-o-shiir
yaa patalii hove moTii Khamiirii ho yaa katiir
gehuu.N ju_aar baajare kii jaisii ho ’Nazeer’

ham ko sab tarah kii Khush aatii hai.n roTiyaa.N

hai aabido.n ko ta’at-o-tajariid kii Khushii
aur zaahido.n ko zuhad kii tamahiid kii Khushii
ri.nd aashiqo.n ko hai ka_ii ummiid kii Khushii
kuchh dil-baro.n ke val kii kuchh diid kii Khushii 

[aabid=devotee; ta’at=devotion; tajariid=solitude]
[zaahid=preacher; zuhad kii tamaheed=start of religious talk] 

aisii na shab-e-baraat na baqriid kii Khushii
jaisii har ek dil me.n hai is iid kii Khushii 

pichhale pahar se uTh ke nahaane kii dhuum hai
shiir-o-shakar sivayyaa.N pakaane kii dhuum hai
piir-o-javaan ko nema’te.n khaane kii dhuum hai
la.Dako ko iid-gaah ke jaane kii dhuum hai 

[piir=old; nema’t=bounty] 

aisii na shab-e-baraat na baqriid kii Khushii
jaisii har ek dil me.n hai is iid kii Khushii 

ko_ii to mast phirataa hai jaam-e-sharab se
ko_ii pukarataa hai ke chhuuTe azaab se
kallaa kisii kaa phuulaa hai laDDuu kii chaab se
chaTakaare.n jii me.n bharate hai.n naan-o-kabaab se 

[azaab=agony; kallaa=cheek] 

aisii na shab-e-baraat na baqriid kii Khushii
jaisii har ek dil me.n hai is iid kii Khushii 

kyaa hi muaanqe kii machii hai ulaT palaT
milate hai.n dau.D dau.D ke baaham jhapaT jhapaT
phirate hai.n dil-baro.n ke bhii galiyo.n me.n Gat ke Gat
aashiq maze u.Daate hai.n har dam lipaT lipaT 

[muaaniq=embrace; GaT=crowd] 

aisii na shab-e-baraat na baqriid kii Khushii
jaisii har ek dil me.n hai is iid kii Khushii 

kaajal hinaa Gazab masii-o-paan kii dha.Dii
pishavaaze.n surKh sausanii laahii kii phul-jha.Dii
kurtii kabhii dikhaa kabhii angiyaa kasii ka.Dii
kah "iid iid" luuTen hai.n dil ko gha.dii gha.Dii 

[pishwaaz=ladies’ skirt] 

aisii na shab-e-baraat na baqriid kii Khushii
jaisii har ek dil me.n hai is iid kii Khushii 

roze kii Khushkiyo.n se jo hai.n zard zard gaal
Khush ho gaye vo dekhate hii iid kaa hilaal
poshaake.n tan me.n zard, sunaharii safed laal
dil kyaa ke ha.Ns rahaa hai pa.Daa tan ka baal baal 

[roze=fastings; hilaal=crescent moon of Eid; poshaak=clothes] 

aisii na shab-e-baraat na baqriid kii Khushii
jaisii har ek dil me.n hai is iid kii Khushii 

jo jo ke un ke husn kii rakhate hai.n dil se chaah
jaate hai.n un ke saath taa baa-iid-gaah
topo.n ke shor aur dogaano.n kii rasm-o-raah
mayaane, khilone, sair, maze, aish, vaah-vaah 

aisii na shab-e-baraat na baqriid kii Khushii
jaisii har ek dil me.n hai is iid kii Khushii 

aisii na shab-e-baraat na baqriid kii Khushii
jaisii har ek dil me.n hai is iid kii Khushii 

rozo.n kii saKhtiyo.n me.n na hote agar amiir
to aisii iid kii na Khushii hotii dil-paziir
sab shaad hai.n gadaa se lagaa shaah taa vaziir
dekhaa jo ham ne Khuub to sach hai miyaa.N "Nazeer" 

duur se aaye the saaqii sun ke maiKhaane ko ham
bas tarasate hii chale afasos paimaane ko ham 

may bhii hai miinaa bhii hai saaGar bhii hai saaqii nahii.n
dil me.n aataa hai lagaa de.n aag maiKhaane ko ham 

ham ko fasanaa thaa qafaz me.n kyaa gilaa sayyaad kaa
bas tarasate hii rahe hai.n aab aur daane ko ham 

baaG me.n lagataa nahii.n saharaa me.n ghabarataa hai dil
ab kahaa.N le jaake baiThe.n aise diivaane ko ham 

kyaa hu_ii taqasiir ham se tuu bataa de ai ’Nazeer’
taaki shaadii marg samajhe.n aise mar jaane ko ham 

[taqasiir=mistake; marg=death]