yaad kyaa dast-e-hunar hai ki sa.Nvarataa gayaa mai.n
us ko sochaa to use yaad hii karataa gayaa mai.n

[hunar = skill]

is ko tahaziib-e-junuu.N kahiye ki mujh se pahale
jaise bikhare hai.n sabhii log bikharataa gayaa mai.n

naqsh kitane the ki maaduum hue sil_silaavaar
aur har naqsh ke pahaluu se ubharataa gayaa mai.n

[maaduum = extinct]

ek tasviir banaa_ii thii mukammal na hu_ii
ek hii rang lahuu rang thaa bharataa gayaa mai.n

[mukammal = complete]

harf-e-ikraar hii kahataa rahaa beKhaufii se
yaanii inkaar ke aashob se Darataa gayaa mai.n

[beKhaufii = without fear; aashob = disturbance]

apane andar ke talaatum ne rakkhaa hai aabaad
Khud hii ikraar kiyaa Khud hii mukarataa gayaa mai.n

[talaatum = upsurge of waves in water/flood]

har nafas ba.Dhataa gayaa us kii tamannaa kaa Kharosh
lamhaa lamhaa isii vahashat me.n nikharataa gayaa mai.n

[Kharosh = wail/plaintive cry]

zindagii kuu-e-malaamat hai ko_ii kyaa Thahare
apanii hii vazaa kaa mai.n huu.N so Thaharataa gayaa mai.n

[malaamat = rebuke/reproach]

tumhe.n jafaa se na yuu.N baaz aanaa chaahiye thaa
abhii kuchh aur meraa dil dukhaanaa chaahiye thaa

taviil raat ke pahaluu me.n kab se so_ii hai
naviid-e-subah tujhe jaag jaanaa chaahiye thaa

bahut qallaaq huaa hairat Gaziidaa tuufaa.N ko
ke kaun Duube ki.nhe.n Duub jaanaa chaahiye thaa

bujhe chiraaGo.n me.n kitane hai.n jo jale hii nahii.n
savaad-e-vaqt i.nhe.n jagamagaanaa chaahiye thaa

ajab na thaa ke qafas saath leke u.D jaate
ta.Dapanaa chaahiye thaa pha.Dapha.Dhaanaa chaahiye thaa

ye merii haar ke kaar-e-jaanaa.N se haaraa magar
bichha.Dane vaale tujhe yaad aanaa chaahiye thaa

tamaan umr kii aasurdagii-e-vasl ke baad
firaaq aaKhirii dhokaa thaa khaanaa chaahiye thaa

Khuun se jab jalaa diyaa ek diyaa bujhaa huaa
phir mujhe de diyaa gayaa ek diyaa bujhaa huaa

ek hii daastaan-e-shab ek hii sil_silaa to hai
ek diyaa jalaa huaa ek diyaa bujhaa huaa

mahafil-e-rang-o-nuur kii phir mujhe yaad aa ga_ii
phir mujhe yaad aa gayaa ek diyaa bujhaa huaa

mujh ko nishaat se fuzuu.N rasm-e-vafaa aziiz hai
meraa rafiiq-e-shab rahaa ek diyaa bujhaa huaa

dard kii kaa_inaat me.n mujh se bhii raushanii rahii
vaise merii bisaat kyaa ek diyaa bujhaa huaa

sab merii raushanii-e-jaa.N harf-e-suKhan me.n Dhal ga_ii
aur mai.n jaise rah gayaa ek diyaa bujhaa huaa

ik sazaa aur asiiro.n ko sunaa dii jaaye
yaanii ab jurm-e-asiire kii sazaa dii jaaye

usakii Khvaahish hai ke ab log na ro_e.N na ha.Nse.n
behisii vaqt kii aavaaz banaa dii jaaye

dasht-e-naadiidaa kii tahaqiiq zaruurii hai magar
pahale jo aaglagii hai vo bujhaa dii jaaye

sirf jalanaa hii nahii.n hamako bha.Dakanaa bhii to hai
ishq kii aag ko laazim hai havaa dii jaaye

sirf suuraj kaa nikalanaa hai agar subah to phir
ik shab aur merii shab se milaa dii jaaye

aur ik taazaa sitam usane kiyaa ijaad
usako is baar zaraa khul ke duaa dii jaaye

ham se bahal rahe hai.n aap aap bahut ajiib hai.n
dard me.n Dhal rahe hai.n aap aap bahut ajiib hai.n

saayaa-e-vasl kab se hai aap kaa muntazir magar
hijr me.n Dhal rahe hai.n aap aap bahut ajiib hai.n

apane Khilaaf faisalaa Khud hii likhaa hai aap ne
haath bhii mal rahe hai.n aap aap bahut ajiib hai.n

vaqt ne aarazuu kii lau der hu_ii bujhaa bhii dii
ab bhii pighal rahe hai.n aap aap bahut ajiib hai.n

zahamat-e-zarbat-e-digar dost ko diijiye nahii.n
gir ke sambhal rahe hai.n aap aap bahut ajiib hai.n

daayaraavaar hii to hai.n ishq ke raaste tamaam
raah badal rahe hai.n aap aap bahut ajiib hai.n

[daayaraavaar = fenced in/with boundary]

dasht kii saarii raunaqe.n Khair se ghar me.n hai.n to kyuu.N
ghar se nikal rahe hai.n aap aap bahut ajiib hai.n

[dasht = desert/wilderness]

apanii talaash kaa safar Khatm bhii kiijiye kabhii
Khvaab me.n chal rahe hai.n aap aap bahut ajiib hai.n

ek se sil_sile hai.n sab hijr kii rut bataa ga_ii
phir vahii subah aayegii phir vahii shaam aa ga_ii

mere lahuu me.n jal uThe utane hii taazaa dam chiraaG
vaqt kii saazishii havaa jitane diye bujhaa ga_ii

mai.n bhii ba-paas-e-dostaa.N apane Khilaaf ho gayaa
ab yahii rasm-e-dostii mujhako bhii raas aa ga_ii

tu.nd havaa ke jashn me.n log gaye to the magar
tan se ko_ii qabaa chhinii sar se ko_ii ridaa ga_ii

dil-zadagaa.N ke qaafile duur nikal chuke tamaam
un kii talaash me.n nigaah ab jo ga_ii to kyaa ga_ii

aaKhir-e-shab kii daastaa.N aur kare.n bhii kyaa bayaa.N
ek hii aah-e-sard thii saare diye bujhaa ga_ii

bedilii se ha.Nsane ko Khush-dilii na samajhaa jaaye
Gam se jalate chehare ko raushanii na samajhaa jaaye

gaha gaha vahashat me.n ghar kii simt jaataa huu.N
isako dasht-e-hairat se vaapasii na samajhaa jaaye

laakh Khush_gumaa.N duniyaa baahimii ta’alluq ko
dostii kahe.n lekin dostii na samajhaa jaaye

ham to bas ye kahate hai.n roz jiine marane ko
aap chaahe.n kuchh samajhe.n zindagii na samajhaa jaaye

Khaak karane vaalo.n kii kyaa ajiib Khvaahish thii
Khaak hone vaalo.n ko Khaak hii na samajhaa jaaye