mujh se vaaqif to mere jism kaa saayaa bhii na thaa
kaise ho jaataa tumhaaraa mai.n Khud apanaa bhii na thaa

jitanaa maayuus hai vo shaKhs bikhar kar mujh se
itanii shiddat se to mai.n ne use chaahaa bhii na thaa

jaise ilzaam lagaaye hai.n mere sar us ne
aisii nazaro.n se to mai.n ne use dekhaa bhii na thaa

merii aavaaz kaa Gam shahar ne jaanaa kyo.nkar
mai.n to us bhii.D me.n Khaamosh thaa bolaa bhii na thaa

manzil na de charaaG na de hausalaa to de
tinke kaa hii sahii tu magar aasaraa to de 

mai.n ne ye kab kahaa ke mere haq me.n ho javaab
lekin Khaamosh kyuu.N hai tuu ko_ii faisalaa to de 

baraso.n mai.n tere naam pe khaataa rahaa fareb
mere Khudaa kahaa.N hai tuu apanaa pataa to de 

beshak mere nasiib pe rakh apanaa iKhtiyaar
lekin mere nasiib me.n kyaa hai bataa to de 

ko_ii dost hai na raqiib hai
teraa shahar kitanaa ajiib hai 

vo jo ishq thaa vo junuun thaa
ye jo hijr hai ye nasiib hai 

yahaa.N kis kaa cheharaa pa.Dhaa karuu.N
yahaa.N kaun itanaa qariib hai 

mai.n kise kahuu.N mere saath chal
yahaa.N sab ke sar pe saliib hai 

kabhii Gunchaa kabhii sholaa kabhii shab_nam kii tarah
log milate hai.n badalate hue mausam kii tarah 

mere mahabuub mere pyaar ko ilzaam na de
hijr me.n iid manaa_ii hai moharrum kii tarah 

mai.n ne Khushbuu kii tarah tujh ko kiyaa hai mahasuus
dil ne chhe.Daa hai terii yaad ko shab_nam kii tarah 

kaise ham_dard ho tum kaisii masihaa_ii hai
dil pe nashtar bhii lagaate ho to maraham kii tarah 

hai iKhtiyaar me.n tere to mojazaa kar de
vo shaKhs meraa nahii.n hai use meraa kar de 

ye ret_zaar kahii.n Khatm hii nahii.n hotaa
zaraa sii duur to rastaa haraa bharaa kar de 

mai.n us ke jaur ko dekhuu.N vo meraa sabr-o-sukuu.N
mujhe charaaG banaa de use havaa kar de 

akelii shaam bahut jii udaas karatii hai
kisii ko bhej ko_ii meraa ham_navaa kar de