so rahaa thaa to shor barpaa thaa
uTh ke dekhaa to mai.n akelaa thaa

[barpaa=start]

Khaak par mere Khvaab bikhare the
aur mai.n rezaa rezaa chunataa thaa

[rezaa-rezaa=piece by piece]

chaar jaanib vujuud kii diivaar
apanii aavaaz mai.n hii sunataa thaa

[jaanib=side (of); chaar jaanib=all around]
[vujuud=existence (sometimes pronounced as vajuud)]

umr bhar buu.Nd buu.Nd ko tarase
saamane ghar ke ek dariyaa thaa

lab-e-dariyaa kha.De rahe dono.n
vo bhii pyaasaa thaa mai.n bhii pyaasaa thaa

[lab-e-dariyaa=on the shores of a river/stream]

dil vaalo kyaa dekh rahe ho in raaho.n me.n
hadd-e-nazar tak ye viiraanii saath chalegii

[hadd-e-nazar=as far as the eye can see]

sannaaTe phir shamaa.N ke aa.Nsuu chaaT rahe hai.n
ye bastii to uja.D ga_ii hai ab na basegii

ghar ke a.ndar saare ja.ngal kaa sannaaTaa
shaam hu_ii to ja.ngal me.n havaa chalegii

[sannaaTaa=silence]

jin ke haatho.n dil kii tauhiin hu_ii hai
un ke liye bhii ye duniyaa aisii na rahegii

[tauhiin=insult]

"Razi" miyaa.N tum shaam se kaise chup baiThe ho
kuchh to bolo aisii chup se baat ba.Dhegii

bhuulii bisarii cha.nd ummiide.n cha.nd fasaane yaad aaye
tum yaad aaye aur tumhaare saath zamaane yaad aaye

dil kaa chaman shaadaab thaa phir bhii Khaak sii u.Datii rahatii thii
kaise zamaane ai Gam-e-jaanaa.N tere bahaane yaad aaye

[shaadaab=in full bloom]

Tha.nDii sard havaa ke jho.nke aag lagaakar chho.D gaye
phuul khile shaaKho.n pe naye aur dard puraane yaad aaye

[sard=cold]

ha.Nsane vaalo.n se Darate the chhup chhup kar ro lete the
gaharii gaharii soch me.n Duube do diivaane yaad aaye