Khudaa ke vaaste ab beruKhii se kaam na le
ta.Dap ke phir koii daaman ko tere thaam na le

bas ek sajdaa-e-shukraanaa paa-e-naazuk par
ye maikadaa hai yahaa.N par Khudaa kaa naam na le

zamaane bhar me.n hai.n charche merii tabaahii ke
mai.n Dar rahaa huu.N kahii.n koii teraa naam na le

miTaa do shauq se mujhako magar kahii.n tumase
zamaanaa merii tabaahii kaa intaqaam na le

jise tuu dekh le ik baar mast nazaro.n se
vo umr bhar kabhii haatho.n me.n apane jaam na le

rakhuu.N ummiid-e-karam usase ab mai.n kyaa "Sahir"
ki jab nazar se bhii zaalim meraa salaam na le

dil me.n ab dard-e-muhabbat ke sivaa kuchh bhii nahii.n
zindagii merii ibaadat ke sivaa kuchh bhii nahii.n

mai.n terii barah-gah-e-naaz me.n kyaa pesh karuu.N
merii jholii me.n muhabbat ke sivaa kuchh bhii nahii.n

ae Khudaa mujhase naa le mere gunaaho.n kaa hisaab
mere paas ashq-e-nadaamat ke sivaa kuchh bhii nahii.n

vo to miT kar mujh ko mil hii gayii raahat varanaa
zindagii ranj-o-musiibat ke sivaa kuchh bhii nahii.n

dil me.n ab dard-e-muhabbat ke sivaa kuchh bhii nahii.n
zindagii merii ibaadat ke sivaa kuchh bhii nahii.n

mai.n terii barah-gah-e-naaz me.n kyaa pesh karuu.N
merii jholii me.n muhabbat ke sivaa kuchh bhii nahii.n

ae Khudaa mujhase naa le mere gunaaho.n kaa hisaab
mere paas ashq-e-nadaamat ke sivaa kuchh bhii nahii.n

vo to miT kar mujh ko mil hii gayii raahat varanaa
zindagii ranj-o-musiibat ke sivaa kuchh bhii nahii.n