phuul Khushbuu jhiil mausam dhuup titalii aur havaa
sab ke cheharo.n par udaasii tere jaane ke baad

kam nahii.n ho.ngii dasht-e-tanhaa_ii kii raunaqe.n
ek diivaanaa ha.Nsegaa ek diivaane ke baad


labo.n par jaan rakh dii hai use Khabar kar do
mariiz us kaa abhii hai use Khabar kar do

salaaKhe.n chuum rahe hai.n jo qaid_Khaane kii
sazaa us kii vahii hai use Khabar kar do


jab bikaa baazaar me.n yuusuf thaa mai.n
daar pe laTakaa to mai.n mansuur thaa


sabhii ne koshishe.n kar lii.n magar tere sadqe
falak pe shams azaan-e-bilaal se nikalaa

[shams = Sun]