zamii.n pe chal na sakaa aasmaan se bhii gayaa
kaTaa ke par ko parindaa uDaan se bhii gayaa

tabaah kar ga_ii pakke makaan kii Khvaahish
mai.n apane gaao.N ke kachche makaan se bhii gayaa

paraa_ii aag me.n Khud kyaa milaa tujh ko
use bachaa na sakaa apanii jaan se bhii gayaa

bhulaanaa chaah to bhulaane kii intehaa kar dii
vo shaKhs ab mere vahm-o-gumaan se bhii gayaa

kisii ke haath kaa nikalaa huaa vo tiir huu.N mai.n
hadaf ko chhuu a sakaa aur kamaan se bhii gayaa

Thukaraao yaa ab ke pyaar karo mai.n nashe me.n huu.N
jo chaaho mere yaar karo mai.n nashe me.n huu.N 

ab bhii dilaa rahaa huu.N yaqiin-e-vafaa magar
meraa na aitabaar karo mai.n nashe me.n huu.N 

girane do tum mujhe meraa saagar sambhaal lo
itanaa to mere yaar karo mai.n nashe me.n huu.N 

mujhako qadam qadam pe bahakane do vaa_izo.n
tum apanaa kaarobaar karo mai.n nashe me.n huu.N 

phir beKhudii me.n had se guzarane lagaa huu.N
itanaa na mujhase pyaar karo mai.n nashe me.n huu.N

Thukaraao yaa ab ke pyaar karo mai.n nashe me.n huu.N
jo chaaho mere yaar karo mai.n nashe me.n huu.N 

ab bhii dilaa rahaa huu.N yaqiin-e-vafaa magar
meraa na aitabaar karo mai.n nashe me.n huu.N 

girane do tum mujhe meraa saagar sambhaal lo
itanaa to mere yaar karo mai.n nashe me.n huu.N 

mujhako qadam qadam pe bahakane do vaa_izo.n
tum apanaa kaarobaar karo mai.n nashe me.n huu.N 

phir beKhudii me.n had se guzarane lagaa huu.N
itanaa na mujhase pyaar karo mai.n nashe me.n huu.N

niind se aa.Nkh khulii hai abhii dekhaa kyaa hai
dekh lenaa abhii kuchh der me.n duniyaa kyaa hai 

baa.Ndh kar rakhaa hai kisii soch ne ghar se ham ko
varanaa dar-o-diivaar se rishtaa kyaa hai 

ret kii ii.NT kii patthar kii ho yaa miTTii kii
kisii diivaar ke saaye kaa bharosaa kyaa hai 

apanii daanisht me.n samajhe ko_ii duniyaa ’Shahid’
varanaa haatho.n me.n lakiiro.n ke ilaavaa kyaa hai 

mai.n na hinduu na musalamaa.N mujhe jiine do
dostii hai meraa imaa.N mujhe jiine do 

ko_ii ehasaa.N na karo mujh pe to ahasaa.N hogaa
sirf itanaa karo ehasaa.N mujhe jiine do 

sab ke dukh dard ko apanaa samajh kar jiinaa
bas yahii hai meraa aramaa.N mujhe jiine do 

log hote hai.n jo hairaa.N mere jiine se
log hote rahe.n hairaa.N mujhe jiine do

karb chehare se maah-o-saal kaa dhoyaa jaaye
aaj fursat se kahii.n baiTh ke royaa jaaye

phir kissi nazm kii taamiid uThaa_ii jaaye
phir kisii jism ko lafzon me.n samoyaa jaaye

kuchh to ho raat kii sarhad me.n utarane kii sazaa
garm suuraj ko samundar me.n Duboyaa jaaye

itanii jaldii to badalate nahii.n ho.nge chehare
gard_aaluud hai.n aa_iine ko dhoyaa jaaye

maut se Khauf_zadaa jiine se bezaar hai.n log
is almiyaa pe ha.Nsaa jaaye ki royaajaaye

Gam kaa Khazaanaa teraa bhii hai meraa bhii
ye nazaraanaa teraa bhii hai meraa bhii 

apane Gam ko giit banaake gaa lenaa
raag puraanaa teraa bhii hai meraa bhii 

tuu mujhako aur mai.n tujhako samjahaauu.N kyaa
dil diivaanaa teraa bhii hai meraa bhii 

shahro.n shahro.n galiyo.n jis kaa charchaa hai
vo afsaanaa teraa bhii hai meraa bhii 

maiKhaane kii baat na kar vaa_iz mujh se
aanaa jaanaa teraa bhii hai meraa bhii

besabab baat ba.Dhaane kii zaruurat kyaa hai
ham Khafaa kab the manaane kii zaruurat kyaa hai 

aap ke dam se to duniyaa kaa bharam hai qaayam
aap jab hai.n to Thikaane kii zaruurat kyaa hai 

teraa kuuchaa, teraa dar, terii galii kaafii hai
beThikaano ko Thikaane kii zaruurat kyaa hai 

dil se milane kii tamannaa hii nahii.n jab dil me.n
haath se haath milaane kii zaruurat kyaa hai 

rang aa.Nkho.n ke liye buu hai damaaGo.n ke liye
phuul ko haath lagaane kii zaruurat kyaa hai 

aaj ham bichha.De hai.n to kitane rangiile ho gaye
merii aa.Nkhe.n surKh tere haath piile ho gaye 

kab kii patthar ho chukii thii muntazir aa.Nkhe.n magar
chhuu ke dekhaa to mere haath giile ho gaye 

jaane kyaa ehasaas saaz-e-husn kii taaro.n me.n hai.n
jin ko chhuute hii mere naGme.n rasiile ho gaye 

ab ko_ii ummiid hai "Shahid" na ko_ii aarazuu
aasare TuuTe to jiine ke vasiile ho gaye