un se hame.n kuchh kaam nahii.n hai
dil ko magar aaraam nahii.n hai

merii tabaahii meraa muqaddar
aap pe kuchh ilzaam nahii.n hai

ishq hai aisaa aalam jis me.n
subah nahii.n hai shaam nahii.n hai

[aalam=state]

husn ke jalve maa.Ngane vaalo
ishq kii daulat aam nahii.n hai

[aam=common]

ham ko na apanaa kah ke pukaaro
ye to hamaaraa naam nahii.n hai

itanaa bhii kyaa "Sheri" se takalluf
aisaa to vo badanaam nahii.n hai

mujhe gussaa dikhaayaa jaa rahaa hai
tabassum ko chabaayaa jaa rahaa hai

vahii.n tak aabaruu me.n zabt-e-Gam hai
jahaa.N tak muskuraayaa jaa rahaa hai

do aalam mai.n ne chho.De jisakii Khaatir
vahii daaman chhu.Daaye jaa rahaa hai

qariib aane me.n hai un ko takalluf
vahii.n se muskuraayaa jaa rahaa ha