Gaye mausam me jo khilte the gulabon ki tarha
dil pe utrenge wahi khwab azaabon ki tarha

Raakh ke dher pe ab raat basar karni hai
jal chuke hain mere khaime mere khwabon ki tarha

Saaate deed ke aariz hain gulabi ab tak
awwalin lamho ke gulnaar hijabon ki tarha

Woh samandar hai to phir rooh ko shadab kare
tashnagi kyon mujhe deta hai sarabon ki tarha

Uski Yaadon Mein Kisi Ki Parchaayi Si Lagti Hai
Ye Duniya Shayad Usse Parayi Si Lagti Hai..

Rehta Hai Bheed Mein Bhi Sabse Judda Wo
Usse Pyaari Bas Apni Tanhayi Hi Lagti Hai..

Gehra Hai Zakhm Koi Dil Mein Uske
Kayi Baatein Usmein Chhupayi Lagti Hain..

Muskurahat Rehti Hai Uske Hothon Par Hamesha
Lekin Aankhein Jaise Khushi Se Begaani Lagti Hain..

Baant-ta Nahi Apna Dard Wo Kisi Se Kabhi
Par Uski Aawaz Kayi Ehsaas Kehti Si Lagti Hai..

Chhup Ho Jaata Hai Aksar Kuch Kehte hue
Khamoshi Uski Magar Ek Kahani Si Lagti Hai..

Jeeta Hai Apno Ke Liye Hi Aaj Bhi Lekin
Zindagi Uski Shayad Kahin Aur Hi Rehti Hai..

Ye Raaz Wo Khud Na Bhi Kahe Kisi Se
Uski Shayeri Uske Dil Ka Har Kissa Bayan Karti Hai..

Jaana Hai Usse Kareeb Se Dekha Nahi Kabhi
Lekin Uski Dhadkan Kuch Apni Si Lagti Hai..

Humraahi Hai Humdum Bhi Hai Wo Mera..
Chand Lafzon Mein Usse Bayan Karna..
Dil Ko Be-Imaani Si Lagti Hai..

ab ye hogaa shaayad apanii aag men Khud jal jaayenge
tum se duur bahut rah kar bhii kyaa paayaa kyaa paayenge

dukh bhii sachche sukh bhii sachche phir bhii terii chaahat men
ham ne kitane dhoke khaaye kitane dhoke khaayenge

aql pe ham ko naaz bahut thaa lekin ye kab sochaa thaa
ishq ke haathon ye bhii hogaa log hamen samajhaayenge

kal ke dukh bhii kaun se baaqii aaj ke dukh bhii kaii din ke
jaise din pahale kaaTe the ye din bhii kaT jaayenge

ham se aabalaa-paa jab tanhaa ghabaraayenge saharaa men
raaste sab tere hii ghar kii jaanib ko muD jaayenge

aaNkhon se ojhal honaa kyaa dil se ojhalhonaa hai
mujh se chhuT kar bhii ahal-e-Gam kyaa tujh se chhuT jaayenge

har ek harf-e-aarazu ko daastaan kiye hue
zamaana ho gaya hai un ko mahamaan kiye hue

suroor-e-aish talKhi-e-hayaat ne bhoola diya
dil-e-hazeen hai bekasi ko hijr-e-jaan kiye hue

kali kali ko gulistaan kiye hue wo aayenge
wo aayenge kali kali ko gulistaan kiye hue

sukoon-e-dil ki raahaton ko un se maang loon
sukoon-e-dilki raahaton ko bekaraan kiye hue

wo aayenge to aayenge junoon-e-shauq ubhaarane
wo jaayenge to jaayenge tabaahiyaan kiye hue

main un ki bhi nigaah se chhupa ke un ko dekh loon
ki un se bhi hai aaj rashk bad_gumaan kiye hue

Kabhi Hum Bheegtey Hain

Kabhi hum bheegtey hain chahaton ki teiz baarish mein…
Kabhi barsoon nahi miltay kisi halkii sii ranjishh mein…

Tumhii mein devtaaon ki koi kho-boo naa thii warnaa…!!
Kamii koi nahii thii merey andaz-e-parastish mein…

Ye pehley sooch lo phirr aur bhii tanhaa naa ho janaa…
Usay chuuney ki khwahish mein.. Usay paanay ki koshish mein…

Bohat sey zakhmm hain dil mein, magar ek zakhm aisaa hai…
Jo jall uthtaa hai raatoon mein, jo luu detaa hai baarish mein…

*Sahiloon Ki Raaj-Dhaanii*

Sahiloon ki raaj-dhaani aur hai..
Aur samandarr ki kahanii aur hai..

Wo baa-zaahirr bhii shareek-e-jaa’n nahii
Shehar mein lekinn kahaniii aur hai..

Hijrr mein dil khusaraa aur thaa..
Wusull rutt mein raiiganii aur hai..

Ye nahii ke sirf ankhein bhujh gayii..
Dil pey uskii meharbanii aur hai..

Wo sukhhunn, naa aashnaa tou hai magar!
Ek ghazal usko sunanii aur hai…

kabhii saayaa hai kabhii dhuup muqaddar meraa
hotaa rahataa hai yuun hii qarz baraabar meraa

TuuT jaate hain kabhii mere kinaare mujh mein
Duub jaataa hai kabhii mujh mein samandar meraa

kisii saharaa mein bichhar jaayenge sab yaar mere
kisii jangal mein bhaTak jaayegaa lashkar meraa

baavafaa thaa to mujhe puuchhane vaale bhii na the
bevafaa huun to huaa naam bhii ghar ghar meraa

kitane hansate hue mausam abhii aate lekin
ek hii dhuup ne kumhalaa diyaa manzar meraa

aaKhirii jur’a-e-pur_kaif ho shaayad baaqii
ab jo chhalakaa to chhalak jaayegaa saaGar meraa

Hamain aaker mana lena kisi bhe kaam se pehley
Udasi thehar jati hey tumhare naam se pehley

Kahan bichrha hoa koi safar kay baad milta hey
Hamain mil kar hi jana tum safar ki shaam se pehley

Yahi taarey teri aankhon ki chilman mein rehtey they
Yahi soraj nikalta tha, tumharey baam se pehley

Meri aankhon ko teri ungliyon kion aram aadat hey
Ye aankhen so he jati theen barey aaram se pehley

Teri aankhon ko dekha to faqt itna khyaal aaya
guzara kis tarha jewan saloney jam sey pehley ,

Dilon mein phool khiltey hein tumhare naam se pehley
Laho mein deep jaltey hein tumharey naam sey pehley

Dilon ki jagmagati bastiyan aitraz kartey hein
Wohi jo log lagtey hein nihayat aam se pehley

Hua hey wo agar munsif, to Amjad ehtiatan hum
Saza tajweez kartey hein kisi anjam se pehley

Ye Jo Hum Safar Mein Bhi….

Ye jo hum safar mein bhi ghar saa ek banatay hain
Reit ke samandar mein kashtiyaan chalatey hain
Abb ke kis tarhaan ka ye mausam-e-visaal aaya
Titliyoun ke haathon se rangg urtey jatey hain
Jin pey faakhtaaon ke geet phool buntey hoon
Aaao ! un darakhton per naam likh ke aatey hain
Pehley saath chalney sey dil ko khauff aata thaa
Aur abb bicharney ke wasvasey daratey hain
Us ke laut aaney ka khwab dekhtii aankehin
Shaam sey dareechey mein rakh ke baith jatey hain
Us taraf samandar ke khaufnaak taiwer hain
Aur hum ghaarondon mein seepiyaan sajatey hain
Vehshaatoon ke sehraa mein kaun ye bataey gaa
Kis ko yaad rakhtey hain kis ko bhool jatey hain..

Shikwe Bhi Hazaron Hain Shikayat Bhi Bohat Hai
Iss Dil Ko Magar Usse Mohabbat Bhi Bohat Hai …

Aa Jata Hai Milne Wo Tasawar Mein Hamare
Ek Shakhs Ki Itni Si Inayat Bhi Bohat Hai…

Yeh Bhi Hai Tamanna Ke Use Dil se Bhula Den
Is Dil Ko Magar Uski Zaroorat Bhi Bohat Hai…

Dekhen To Zara Pee Ke Hum Zehr-e-Mohabbat
Sunte Hein Ke Iss Zehr Mein Lazzat Bhi Bohat Hai.