Tujhe kia kahoon main aye zindagi,
teray aik pal ki khabar nahi
Main yaqeen karoon bhi to kis tarhan,
teri shab ki koi sehar nahi
Meri khawishoon ka ye silsila hai
kahan talak ye khabar nahi
Ye safar saadii pay muheet hai,
meri umar aik pehar nahi

Jahan aagahi k na jaal hoon,
wahan wahshatoon k zikar nahi
Yahan aagahi bhi azab hai,
tujhay Aah ye bhi khabar nahi
Main shumar-e-ghum karoon kis tarah,
mere pass aisa hunar nahi
Mera aaj hai sitam aashna,
mujhay kal say koi mafar nahi

Jahan do ghari ka sukoon milay,
teri raah main woh shajar nahi
Main thakan say choor hoon is qadar,
koi saya had-e-nazar nahi
Woh jo ashk-e-khoon say ho aashna,
kaheen aisa deeda-e-tar nahi
Meray dil say barh k jala ho jo,
yahan koi aisa jigar nahi

Teri kaj aadaiee sitam gari,
koi ye batayea kidhar nahi
Tou hai baywafaiee ki dastaan,
gila tujh say koi magar nahi
Tujhay chorna hai tou choor day,
mujhay mout ka koi dar nahi
Woh andhair nagri hai gar koi,
ye bhi rahaton ka dagar nahi…..!!

"MUHABBAT"
Muhabbat Dasht-e-Furqat Main..
Bina Rakht-e-Safar Chaltay Kisi Majzoob Kay Dil Say Nikalta Aik Noha Hay..
Muhbbat Rastoon Kay Jaal Main Bhatka Howa Rahi
Kisi Ki Baam Par Thehra Howa Ik Ajnabi Chehra
Muhabbat Khowab Ban Jaye To Tabirain Nahin Miltee
Muhabbat Aik Barish Hay
Jo Ik IK Boond Kar Kay Tan Say Mann main Jab Utarti Hay
Sureelay Saz Bajtay Hain
Anokhay Baab Khultay Hain
Muhabbat Karnay Walay To Fasel-e-Jan Ko Daoo Par Laga Kar Baat Kartay Hain..
Wo Kantoon Ki Zameen Par Bhi Nangay Paoon Chaltay Hain..
Muhabbat Aik Sargoshi
Kisi Fankar Kay Hathoon Say Chirta Baykhudi Ka Raag
Muhabbat Barshoon Kay Mousmoo Main Yaad Ki Kaya..
Muhabbat Jaltay Taptay Rastoon Par Phaylta Saya..
Muhabbat Ik Qazaa Ban Kar Bhi Ati Hay
Kae Loogon Kay Jevan Main..
Muhabbat Marg-e-Gull Bhi Hay..
Muhabbat Yaas Ki SooRat..
Ik Aisi Piyaas Ki Soorat
Kabhi Bhujh Nahin Pati..
Muhabbat Ik Udassi Hay..
Bilaa Ki Khamshi Bhi Hay..
Muhabbat Mousmoo Ko Hussn Ka Paygham Dayti Hay
Muhabbat Chahnay Waloon Ko Yeh InAaM Dayti Hay
Qabooliyat Kay Darwazoon Pay Mehki Ik Dua Bhi Hay
Muhabbat Ik Sazaa Bhi Hay
Muhabbat Pat Jharoon Ka Naam
Muhabbat Ik Sulaghti Shaam

Khawab toot jatay hain…
Bheer main zamanay ki…

Hath choot jatay hain…
Dost daar lahjoon main salwatain see partee hain…
Ik zara see ranjish say…
Shak ki zard tehni par, Phool bad-gumani kay…
Is tarha say kihltay hain…
Zindagi say pyaray bhi…
Ajnabi say lagtay hain, Ghair ban kay miltay hain…

Umr bhar ki chahat ko, Aasra naheen milta…
Dasht-e-beyaqini main Rasta naheen milta…

Kamashi kay waqfoon main…
Baat toot jati hai, Aur sira naheen milta…
Mazrat kay lafzoon ko roshni naheen miltee…
Lazat-e-pazeerai, Phir kabhi naheen miltee…

Phool rang wadoon ki…
Manzilain sukarti hain…
Rah murnay lagti hai…
BeRukhi kay garay say, Bedili ki mitti say…
Faslay ki eintoon say, Eint jurnay lagte hai…
Khaak urnay lagtee hai…

Khawab toot jatay hain…
Wahmoon kay saye say, Umr bhar ki mehnat ko…
Pal main toot jatay hain…
Ik zara se ranjish say…
sath choot jatay hain…

Bheer main zamany ki…
hath choot jatay hain…..
Khawaab toot jatay hain…..

Chaloo Choro!

Mohabbat jhoot hai….

Ehd-e-wafa ik bekaar shugal hai logoon ka

“Talab” sokhey hoey patton ka beronak jazeera hai

“Khalish” demak zadda ooraak per boseeda satroon ka zakheera hai

“Khomar-e-Wasl” tapti hoi dhoop ke seeeney pe urtey badiloon ki raigaan numaish!!

“Gubar-e-Hijar” sehraa main saraboon se attey howey mosam ka khamyaza!!

Chaloo Choroo !

Raat ki gheri khamoshi main
chupkay se dheemay se
sergoshi main
koi mujh se bola
suno!
tum wohi ho na jo raat hotay he
meri Ankhon mai utar aati ho
meri aankhon mai jugnoon ki tarha
roshan ho jati hai
ek roshan taray ki tarha
neendo main utar aati ho
tum wohi ho na?
Main boli
haan main wohi hon
Woh bola…bohut buri ho
meri neenden ura ker
khud chain se so jati ho…

Aao mohabbat kertay hain

Hansti aankhoun se keh do

Dareya hijrat kertay hain

Kuch dil aisay hain jin per

Hum b hakumat kertay hain

Koi baat to hai mujh main

Dushman b izzat kertay hain

Zinda rehna hai dushwaar

Acha.. to himmat kertay hain

Waisay hotay nahee hain log E

Jaisi chahat kertay hain

Aksar apnay aap se hum

Teri shikayat kertay hain

terey honton ne chupkey se
mujhey ik baat keh di thi
jo khushbu se mau’atter hai
jo chanda se bhi roshan hai
jo titly se bhi nazuk hai
jo masti hai sharabon ki
tamanna hai jo khuabon ki
sada hai jo rubaabon ki
ibaarat hai nasaabon ki
jo surkhi hai gulabon ki
zaya hai chand sitaron ki
jo rangat hai baharon ki
jo gehri hai samander se
jo milti hai muqadder se
jo arfaa hai jahan bher se
jo shereen hai her ik she se
nasheeli hai jo is meh se
jo dherkan hai meri dil ki
rawani hai jo saanson ki
tarawat hai jo aankhon ki
jo palti hai khayalon mein
nahi milti misaalon mein
kaha hai jo dheerey se k
tum mujh se piyar kerti ho

sAdiYoOn k fAaSLaY sE tU
mErE LiYE hAi mUntAziR
tErE LiYE hOoN mUntAziR
QiRnOon ki DoOriYuN sE mAiN
dAsT-e-ShAb-E FirAq mAiN
aEsE sULag rAhA hAi tU
jAiSe kiSi KinAaR Hast pEr
dAiR sE jaL rAhA hOoN mAiN
tAu hAi wO dAr….aGaR miLaY……..
mUjH KO wOh eK diA miLaY
LarZaA’n hAiN jiS ki nOk pEr
mErE mUqAdDaRo’N ki LaU
tU mEri QisMAtO’n ki LaU
mAiN tErI jAa’N kA AaEeNa
dOnO’n MiLay tAu khaTAM hOoN
kArB-e-FirAq….JiSm-o-jAa’N.