Raat daawat maiN sub hee thaa, par meeThaa naa thaa
Qourmay maiN haaN taar thaa, par shorbaa naa thaa

Woh laY gayaa thaa Burns Road kuch khilaanaY kay liYe
Sharbat tau thaa wahaaN laikin charghaa naa thaa

Woh chalaa aayaa mooNh uThaa kar Mehfil maiN yooN
peYr maiN jootaa tau thaa, par feetaa naa thaa

Kee ZulfaiN daraaz uss naY model bunn-naY kaY shoq maiN
Gel baaloN maiN thaa, pass magar kaNghaa naa thaa

Piyaas saY taRap kar maaNgaa jo paani ka ik glass
DiYaa uss nay mujh ko ik kaTora, par woh ThanDaa naa thaa

Aam kay Mosam maiN aam khaaiYe, seb kay mosam maiN seb
Phool detaY kaaNtay kay siwaa, aisaa apnaa dhandhaa naa thaa

Khaa kar jootiYaaN girls college kay baahir uss nay kuch yooN kahaa
"Qasam khudaa kee, MajnooN bhee mujh jaisaa aashiq naa thaa!"

Lay kar gayaa thaa jub girl friend ko woh date par
chawaani tau kiYaa, jeb maiN uss kee ik dhelaa naa thaa

Mehboobaa nay uss ki, choRnaY saY pehlaY uss ko yeh kahaa
Raho geY yaadoN maiN tum meri, uss kaY Qaabil woh ik bandaa naa thaa

"Masjid tau banaa dee shub bhar maiN, ImaaN kee haraarat waaloN naY"
Bill bharnaY kaY liYe Anwaar, pass magar unn kay chandaa naa thaa