The biggest Urdu poetry web site of the world. Thousands of Urdu poems/ghazals. No need to download or install any font. First and largest Urdu portal from Pakistan.

Mouj e naseem lay urri thi
khushboo ka humsafer raha hoon

hangama e hayaat se door
yaadon k dosh per raha hoon

kitne hi waqt mujh pe beetay
sadiyon ki rahguzar raha hoon

ab bhi mehak hai us ki dil main
ab bhi nikherr nikherr raha hoon

]Us ko judaa hue bhii zamaana bahut hua
Ab kiya kahein ye qissaa, puraana bahut hua

Dhalti na thii kisii bhii jatan se shab-e-firaaq
Ai marg-e-naagehaan tera aana, bahut hua

Hum khuld se nikal tho gaye hain par ai khuda
Ithne se waaqaye ka fasaana, bahut hua

Lo phir tere laboon pe usii bewafaa kaa zikr
Ahmad ’Faraz’ tujh se kahaa na, bahut hua

Us ko judaa hue bhii zamaana bahut hua
Ab kiya kahein ye qissaa, puraana bahut hua

Dhalti na thii kisii bhii jatan se shab-e-firaaq
Ai marg-e-naagehaan tera aana, bahut hua

Hum khuld se nikal tho gaye hain par ai khuda
Ithne se waaqaye ka fasaana, bahut hua

Ab hum hain aur saare zamaane kii dushmaanii
Us se zaraa rabtha barrhaana, bahut hua

Ab kiyoon na zindagii pe muhabbat ko vaar dein
Is aashiqii mein jaan se jaana, bahut hua

Ab thak tho dil ka dil se taarruf na ho sakaa
Maanaa K us se milna, milaana bahut hua

kiya kiya na hum kharaab hue hain magar ye dil
Ai yaad-e-yaar tera thakaana, bahut hua

Kehtaa thaa naasehoon se mere muunh na aaiio
Phir kyaa thaa ek huu kaa bahaanaa, bahut hua

Lo phir tere laboon pe usii bewafaa kaa zikr
Ahmad ’Faraz’ tujh se kahaa na, bahut hua

itanaa TuuTaahuu.N ki chhune se bikhar jaa_uu.Ngaa
ab agar aur duaa doge to mar jaa_uu.Ngaa

lekar meraa pataa vaqt raayagaa na karo
mai.n to ba.njaaraa huu.N kyaa jaane kidhar jaa_uu.Ngaa

is taraf dhu.ndh hai jugnuu hai na chiraaG ko_ii
kaun pahachaanegaa bastii me.n agar jaa_uu.Ngaa

zindagii mai.n bhii musaafir huu.N terii kashtii kaa
tuu jahaa.N mujh se kahegii mai.n utar jaa_uu.Ngaa

yahaa.N rah jaaye.nge guladaano.n me.n yaado.n kii nazar
mai.n to Khushbuu huu.N fizaao.n me.n bikahr jaa_uu.Ngaa

kabhii aa.Nsuu kabhii Khushii bechii
ham Gariibo.n ne bekasii bechii

chand saa.Nse Khariidane ke liye
roz tho.Dii sii zindagii bechii

jab rulaane lage mujhe saaye
mai.n ne uqtaa ke raushanii bechii

ek ham the ke bik gaye Khud hii
varanaa duniyaa ne dostii bechii

Agar yaqee’n nahi aata to aazmaye mujhey
Wo aaina hai to phir aaina dikhaye mujhey

Ajab charag hoo’n din raat jalta rehta hoo’n
Mai thak gaya hoo’n hawa se kaho bujhaye mujhey

Mai jiski aankh ka aansoo tha usney qadr na ki
Bikhar gaya hoo’n to ab rait se uthhaye mujhey

Boht dino’n se mai in pathharo’n mai patthar hoo’n
Koi to aaye zara dair ko rulaye mujhey

Mai chahta hoo’n k tum hee mujhey ijazat do
Tumhari tarah se koi galey lagaye mujhey

gham-o-andoh k ye esteaaray tum na samjho gay
jo din hum nay tumhaaray bin guzaaray tum na samjho gay
tumhain kaisay btaayn tum hmaaray waastay kya ho
smandar ki kahani main kinaaray, tum na samjho gay
bus itna jaan lo ek shakhs say hum nay mohabbat ki
hmaaray tootnay ka khail pyaaray tum na samjho gay
hzaaron mushkilon say khail ker bhi jeetnay waalay
ye aakhir kis jga per aa k haaray tum na samjho gay
phir os kay baad ka kissa jo mat poocho tu behtar hai
liay thay hum nay apno k sahaaray tum na samjho gay
hmaisha raat ko hi kyon sulagtay hain ————–
nikaltay kyon nahin din main sitaaray tum na samjho gay

Yon na mil mujhe say Khafa ho jaisay
Sath chal mauj-e-saba ho jaisay

Log yon dekh kar hans daitay hain
Tu mujhe bhool gaya ho jaisay

Ishq ko shirk ki had tak na barha
Yon na mil hum say Khuda ho jaisay

Maut bhi aai to is naaz k sath
Mujhe pe ehsaan kiya ho jaisay

Aaise anjaan banay bethay ho
Tum ko kuch bhi na pata ho jaisay

Hichkiyan raat ko aati hi rahin
Tu nay phir yaad kiya ho jaisay

Zindagi beet rahi hay "Danish"
Ek be-jurm saza ho jaisay

Pyaar ka meetha “Ehsaas” dilane laga hai tu
Ab to mujh se mujhi ko churane laga hai tu

Teri chahtooN ka chaaya hai saroor is qadar
Har pal har jagah nazar aane laga hai tu

Veeraan thi yeh zindgi tere aane se pehle
Khushiyoon ke sapne mujhe dhikane laga hai tu

Har pal mujhe hota hai bas tera hi “Ehsaas”
Is qadar meri saansoN mein samaane laga hai tu

Ek pal ki bhi doori seh nahi paata hoon main
Hoke juda kyun mujhe azmaane laga hai tu

Raah chalte hue aksar hota haiyeh gumaan
Ke ban saaya saath mere aane laga hai tu

Naam koi bhi looN to naam aaye tera labooN pe
Ban ke jadu meri rooh mein samaane laga hai tu

Teri yadoon se hi aksar hota hai dil munawwar mera
Ghul ke saath lahoo ke nas nas mein samaane laga hai tu

Jaane kaun si dor hai teri aur kheench le jaati hai
Mujh ko apna deewana banaane laga hai tu

Tasvvur mein aksar hota hai yeh mehsoos mujhey
Chorr k duniya meri baNhooN mein samaane laga hai tu

Yeh to bata ke kya naam dooN iss deewangi ko
Bechain kar ke har lamha mujhey tadpaane laga hai tu

Tere khayalooN se mehekne lagti hai zindagi meri
Mere zehn-o-dil pe is qadar chhaane laga hai tu

Yeh masoomiyat yeh bholapan yeh saadgi teri
Mujh ko har adaa se ab satane laga hai tu

Zeest ke rahooN mein dhoop thi har taraf
Apney pyaar ki barish ko barsane laga hai tu

Kya is baat ka tujhey “Ehsaas” hai “Jaan”
Mere har sher mein har Gazal mein aane laga hai tu

Aatay Jaatey Chehrey Takta Rehta Hoon
Din Bhar Khuli Kitaabein Parhta Rehta Hoon

Ghar Ki Tanhai Ka Khayal Darata Hai
Younhi Baazaaron Mein Phirta Rehta Hoon

Kisay Khabar Hai Kaun See Deed Ho Aakhri Deed
Her Ik Cheez Ko Gaur Say Takta Rehta Hoon

Logon Say Takraar Bohat He Mehngi Pari
Apnay Aap Say Bhi Ab Larta Rehta Hoon

Neend He To AafiyatKa Ik Gosha Hai
Aksar Dupehron Tak Sota Rehta Hoon

Phelti Lehrein Dil Ko Achi Lagti Hain
Taalaabon Mein Pathar Phainkta Rehta Hoon

Kis Mein Himmat Hai Jo Sachi Baat Suney
Sachi Sochta, Jhooti Kehta Rehta Hoon

Dekhta Hoon Ik Lamhe Ko Aaina Magar
Kya Yeh Mein Tha Pehron Sochta Rehta Hoon

Her Ik Lamhey Ka Hai Apna Qarz "Riaz"
Mein Lamhon Ka Qarz Chukata Rehta Hoon….

Categories

Recent Comments