The biggest Urdu poetry web site of the world. Thousands of Urdu poems/ghazals. No need to download or install any font. First and largest Urdu portal from Pakistan.

Wo meri mehfil se uth kar yak-ba-yak jana tera

May 20, 2008 Author: admin | Filed under: Urdu Ghazal, Urdu Shairy

Wo meri mehfil se uth kar yak-ba-yak jana tera
Kar ke tamam kam ko wo kam kar jana tera

Chaarsazi ghamgusari ye teri fitrat nahin
Dard-e-garaan ke liye wo hai murzhana tera

Kya azab hai dastan tarq-e-mohoobat ke liye
Tuz se sharmana mera aur muz se sharmana tera

Haal-e-dauran-e-gardishen aur badtar ho gaye
uf ! siyah raat mein wo julf bikhrana tera

Be-hayai , Be-niyaji , Be-dili , Be-darriyan
Lafz hain Be-noor se goya ke afsana tera

Ta Kamayat din rahe ab raat se vehshat hui
Dil mein fir nashtar chubhone khwab mein aana tera

Baad ‘Bismil’ ke dikhana jlwa-e-pakizgee
Jan Balab hoke wo jalwa Jan-nisarana tera

juda hona hi thehra to

May 20, 2008 Author: admin | Filed under: Urdu Ghazal, Urdu Shairy

juda hona hi thehra to
gilay kaisay shikayat kya
juda ho jayen chupkey se
na tum bolo na main boloon
hamare bol perne se
judaayi phhail sakti hai
hawaun main
fizaaaaon main
judaai zaat main bher lein
chalo ham is terha ker lain
kisi sunsaan raste ke
kisi bhi morre per dono
juda ho jayen chupke se
na tum bolo na main bolon
hamare bol parney se
judayi phhail sakti hai

Dekh December Ab Mat Aana

May 20, 2008 Author: admin | Filed under: Urdu Ghazal, Urdu Shairy

Dekh December Ab Mat Aana
Dekh December Mere Ander
Kitnay Sehra Phail Chukay Hain
Tanhayi Ki Rait Ne Mere
Saaray Darya Paat Diye Hain
Ab Main Hoon
Aur Mere Banjar Pun Ki Bojhalta Hay
Dekh December
Teri BarFaab Shaboon Mein
Teri BeKhuwab Shaboon Mein
Khuwab Sweater Kon Bunay Ga
Rooh k Ander Girti Barfein Kon Chunay Ga
Dekh December Ab Mat Aana
Aur Agar Tu Aye b To
Apnay Dukh Ki Baraf Pehan Kar
Dhoop Diyaroon Tak Mat Jana
Mere Pyaroon Tak Mat Jana
Dekh December Ab Mat Aana…!!!

mene chaha usay bhool jaon …….

May 20, 2008 Author: admin | Filed under: Urdu Ghazal, Urdu Shairy

mene chaha usay bhool jaon …….
faramosh kardon wo sub,roz o shab!!
usko dekhon to youn kay jesay wakif hi nahin
mein bhi us ki tarah ab kisi ro ko saath lay kar chaloon
har ghari khush rahoon …..,muskurata phiron
bewajah,besabab!!
jab hawa kay qadam misl-e-maynosh bedhab se parnay lagein
chandni khirkiuon se pukaray
nigahein chamaknein lagein
aahatein kaan mein sabz sargoshiyan karkay chalnein lagein
dast-e-mosam kay aaejaz se perhan zard patay badalnay lagein
bakht e khwabeeda gul aankh malnay lagein
kaash youn ho kay tab………….
usko dekhon to wo ajnabi sa lagay
uski aahat pe khwahish kay koi gul na khilein
wo pukaray agar…uski awaz pe kaan tak na dharoon
ehd-e-rafta ki har yaad ko bhool kar
anay wali ruton ka swagat karoon
uskay chehray ko ..,chehron kay anboah mein…
…is tarah gum kardoon…
kay phir wo ankhein rahein,na wo gaisoo..na wo lub..
mene chaha usay bhool jaon
faramosh kardon wo sub,

Mujhay Iss Zindgani Se Koi Shikwa Nahi Lekin,

May 20, 2008 Author: admin | Filed under: Urdu Ghazal, Urdu Shairy

Mujhay Iss Zindgani Se Koi Shikwa Nahi Lekin,
Zara Si Be Sakooni Hay,
Na Janay Kiun Mery Dil Mein,
Ajab Ik Khauf Rehta Hay,
Mujhay Mehsoos Hota Hay,
K Mery Dil K Darwazey Pe,
Teri Yaad Ki Dastak Mein Vo Shiddat Nahi Baqi,
Bohat Si Khas Baatein Hain,
Jo Mujh Ko Aam Lagti Hain,
Mery Dil Mein Unhein Sun Kar Koi Toofan Nahi Uthta,
Teri Aankhein,Tera Chehra,
Teri Awaaz Ki Rimjhim,
Sabhi Kuch Khuwab Lagta Hay,
Mujhay Mehsoos Hota Hay,
Sunehrii Titliyoon Jaisy,
Vo Sab Khush Rung Se Sapney,
Mery Lafzoon K Pholoon Par,
Bohat Din Se Nahi Baithy,
Mujhay Mehsoos Hota Hay,
Samay Ki Tez Lehron Ne,
Hamary Rait K Kachay Gharonday Torr Dalay Hain,
Mujhay Un Tez Lehron Se,
sunehrii Titlion Jaisy,
Sabhi Khush Rung Sapnoon Se,
Koi Shikwa Nahi Lekin,
Zara Si Be Sakooni Hay,
Mujhay Mehsoos Hota Hay,
Tumharay Dil K Darwazey Pe Meri Yaad Ki Dastak,
Meri Jaan Ab Nahi Hoti,
Meri Jaan Ab Nahi Hota,
K Meri Yaad Aye To,
Tumhari Aankh Bhar Aaye,
Duaein Mangtey Lamhay,
Mujhay Tum Bhool Jati Ho,
Magar Phir B Mujhay Tum Se,
Koi Shikwa Nahi Lekin,
Ajab Si Be Sakooni Hay,
Ajab Ik Khauf Hay Dil Mein,
Main Tum Ko Bhool Jaon Ga…!!!

yaad hai janaa

May 20, 2008 Author: admin | Filed under: Urdu Ghazal, Urdu Shairy

yaad hai janaa
tum ne pichli baar kaha tha
mujh ko bhool k khush rehna hai
tum ko tu main bhool na paya
lakin janaa
chupkey chupkey dukh sehta hoon
abb main aksar khush rehta hoon…!!!

Kaha tha na!

May 20, 2008 Author: admin | Filed under: Urdu Ghazal, Urdu Shairy

Kaha tha na!
Mujhay tum iss tarah sootay huay matt chor ker jana
Mujhay bayshak jaga daina
Bata daina
Muhabbat ke safar main saath mairay chal nahin sakteeN
Judai main, hijar main saath mairay jal nahin sakteeN
Tumhain rasta badalna hai
Mairi hadd se nikalna hai
Tumhain kis baat ka derr tha
Tumhain jaanay nahin daita
Kahin per qaid ker laita
Array PAGLI!
Muhabbat kee tabiyat main zaberdasti nahin hoti!
Jissay rasta badalna ho
Ussay rasta badalnay se
Jissay hadd se nikalna ho
Ussay hadd se nikalnay se
Na koi rok paya hai
Na koi rok pai ga
Tumhain kiss baat ka darr tha
Mujahy baishak jaga daitay
Tumhain main daikh hee laita
Tumhain koi dua daita
Kam-az-kamm yuN tu na hota
Mairay Saathi! Haqeeqat hai
Tumharay baad khonnay ke Liya kuch bhee nahin baaqi
Mager khonnay se derta hoon
Mian ab sone se Darta hon…!!!

Mohabbat main deewangi zaroori hai

May 20, 2008 Author: admin | Filed under: Urdu Ghazal, Urdu Shairy

Mohabbat main deewangi zaroori hai
Mohabbat saare
Rishte naate torr
deti hai
faqat ek Dil se
Rishta jorr leti hai
Mohabbat ki haddein hoti nahi
Haddon ko torr dena
Is ka shewa hai
Agar tumhain mujh se
Mohabbat hai to phir
Yeh rishte naaton ki
Bandishein torrna hongi
Agar aisa nahi karsakte to
Phir hum tum apni khuwahish ke
Khilone torr dete hain
Dilon ko morr lete hain
Mohabat chor detey hen…!!!

kisi k you’n bicharnay say

May 20, 2008 Author: admin | Filed under: Urdu Ghazal, Urdu Shairy

kisi k you’n bicharnay say
kisi k yaad Aanay say
buhat say log rotay hain
k rona aik riwayat hai
riwayat torr jataa hoo’n
tumhari yaad Aanay per
main aksar muskarata hoo’n

Titliyon k mausam main

May 20, 2008 Author: admin | Filed under: Urdu Ghazal, Urdu Shairy

Titliyon k mausam main
nochna gulabon ka

reet iss nagar ki hai
aur janay kab se hai

sheher k ye bashinde
nafraton ko bo ker bhi
intazar kerte hain
fasl ho mohabbat ki

bhool ker haqeeqat ko
dhoondna sarabon ka

reet is nagar ki hai
aur jane kab se hai

abhi tum naye ho na
isi liye pereshan ho
aasman ki jaanib
iss tarha se mat dekho

aafatain jab aani hoon
tootna sitaroon ka

reet iss nagar ki hai
aur jane kab se hai

khamshi mera sheva
guftagoo hunar uss ka
meri begunahi ko
loag kese manain gay

baat baat per jab k
maangna hawalon ka

reet iss nagar ki hai
aur jane kab se hai

ajnabi fizaoon main
ajnabi musaafir se
apne har ta’aluq ko
daayemi samajh lena

aur jab bichar jana…
mangna duaaoon ka

reet is nagar ki hai
aur jane kab se hai

Categories

Recent Comments