sitam havaa kaa agar tere tan ko raas nahii.n
kahaa.N se laa_uu.N vo jho.nkaa jo mere paas nahii.n

pighal chukaa huu.N tamaazat me.n aafataab kii mai.n
meraa vujuud bhii ab mere aas-paas nahii.n

[tamaazat = heat; aafataab = Sun; vujuud = existence]

mere nasiib me.n kab thii barahanagii apanii
milii vo mujh ko tamannaa ki be-libaas nahii.n

[barahanagii = nakedness; be-libaas = undressed]

kidhar se utare kahaa.N aa ke tujh se mil jaaye
abhii nadii ke chalan se tuu ruu_shanaas nahii.n

[ruu_shanaas = acquainted]

khulaa pa.Daa hai samandar kitaab kii suurat
vahii pa.Dhe ise aakar jo naa_shanaas nahii.n

[naa_shanaas = unacquainted]

lahuu ke saath ga_ii tan-badan kii sab chahakaar
chubhan sabaa me.n nahii.n hai kalii me.n baas nahii.n

[sabaa = wind; baas = smell (fragrance)]

din Dhal chukaa thaa aur parindaa safar me.n thaa
saaraa lahuu badan kaa ravaa.N Khisht-o-par me.n thaa

had-e-ufaq pe shaam thii Kheme me.n muntazar
aa.Nsuu kaa ik pahaa.D saa haa_il nazar me.n thaa

jaate kahaa.N ki raat kii baahe.n thii.n mushta_iil
chhupate kahaa.N ki saaraa jahaa.N apane ghar me.n thaa

lo vo bhii narm ret ke Tiile me.n Dhal gayaa
kal tak jo ek koh-e-giraa.N rah_guzar me.n thaa

utaraa thaa vahashii chi.Diyo.n kaa lashkar zamiin par
phir ik bhii narm paat na saare shahar me.n thaa

paagal sii ik sadaa kisii uja.De makaa.n me.n thii
Khi.Dakii me.n ik chiraaG bharii dopahar me.n thaa

us kaa badan thaa Khuun kii hiddat se sholaa_fish
suuraj kaa ik gulaab saa tisht-e-sahar me.n thaa

dhuup ke saath gayaa saath nibhaane vaalaa
ab kahaa.N aayegaa vo lauT ke aane vaalaa

ret par chho.D gayaa naqsh hazaaro.n apane
kisii paagal kii tarah naqsh miTaane vaalaa

sabz shaaKhe.n kabhii aise to nahii.n chiiKhatii hai.n
kaun aayaa hai parindo.n ko Daraane vaalaa

[sabz = green; shaaKh = branch; parindaa = bird]

aariz-e-shaam kii surKhii ne kiyaa faash use
pardaa-e-abr me.n thaa aag lagaane vaalaa

[aariz-e-shaam = evening’s cheeks; surKhii = redness]
[faash = expose; pardaa-e-abr = curtain of clouds]

safar-e-shab kaa taqaazaa hai mere saath raho
dasht pur_haul hai tuufaan hai aane vaalaa

[safar-e-shab = night time travel; taqaazaa = demand]
[dasht = wilderness; pur_haul = terrifying]

mujh ko dar_pardaa sunaataa rahaa qissaa apanaa
agale vaqto.n kii hikaayaat sunaane vaalaa

[dar_pardaa = hidden; hikaayaat = stories/tales]

shabanamii ghaas ghane phuul larazatii kirane.n
kaun aayaa hai Khazaano.n ko luTaane vaalaa

[shabanamii = dew-drenched; Khazaanaa = treasure]

ab to aaraam kare.n sochatii aa.Nkhe.n merii
raat kaa aaKhirii taaraa bhii hai jaane vaalaa

zaraa saa qataraa kahii.n aaj agar ubharataa hai
samandaro.n hii ke lahaje me.n baat karataa hai

Khulii chhato.n ke diye kab ke bujh gaye hote
ko_ii to hai jo havaao.n ke par katarataa hai

[par kataranaa = make futile/ineffective]

sharaafato.n kii yahaa.N ko_ii ahamiyat hii nahii.n
kisii kaa kuchh na bigaa.Do to kaun Darataa hai

[ahamiyat = importance]

zamii.n kii kaisii viqaalat ho phir nahii.n chalatii
jab aasmaan se ko_ii faisalaa utarataa hai

tum aa gaye ho to phir kuchh chaa.Ndanii sii baate.n ho.n
zamii.n pe chaa.Nd kahaa.N roz roz utarataa hai

usuulo.n pe jahaa.N aa.Nch aaye Thakaraanaa zaruurii hai
jo zindaa ho.n to phir zindaa nazar aanaa zaruurii hai

[usuul = principles]

na_ii umro.n kii Khud_muKhtaariyo.n ko kaun samajhaaye
kahaa.N se bach ke chalanaa hai kahaa.N jaanaa zaruurii hai

thake haare parinde jab basere ke liye lauTe
saliiqaamand shaaKho.n kaa lachak jaanaa zaruurii hai

bahut bebaak aa.Nkho.n me.n ta’alluq Tik nahii.n paataa
muhabbat me.n kashish rakhane ko sharmaanaa zaruurii hai

[bebaak = bold]

saliiqaa hii nahii.n shaayad use mahasuus karane kaa
jo kahataa hai Khudaa hai to nazar aanaa zaruurii hai

mere ho.nTho.n pe apanii pyaas rakh do aur phir socho
ki is ke baad bhii duniyaa me.n kuchh paanaa zaruurii hai

milii havaao.n me.n u.Dane kii vo sazaa yaaro
ke mai.n zamiin ke rishto.n se kaT gayaa yaaro  

vo be-Khayaal musaafir mai.n raastaa yaaro
kahaa.N thaa bas me.n mere us ko rokanaa yaaro  

mere qalam pe zamaane kii gard aisii thii
ke apane baare me.n kuchh bhii na likh sakaa yaaro 

tamaam shahar hii jis kii talaash me.n gum thaa
mai.n us ke ghar kaa pataa kis se puuchhataa yaaro 

mai.n chaahataa bhii yahii thaa vo bevafaa nikale
use samajhane kaa ko_ii to sil_silaa nikale 

kitaab-e-maazii ke auraaq ulaT ke dekh zaraa
na jaane kaun saa safaah mu.Daa huaa nikale 

jo dekhane me.n bahut hii qariib lagataa hai
usii ke baare me.n socho to faasalaa nikale 

mai.n apane Khvaab se bichha.Daa nazar nahii.n aataa
tuu is sadii me.n akelaa nazar nahii.n aataa

ajab dabaav hai in bahrii havaao.n kaa
gharo.n kaa bojh bhii uThataa nazar nahii.n aataa

mai.n ek sadaa pe hameshaa ko ghar chho.D aayaa thaa
magar pukaarane vaalaa nazar nahii.n aataa

mai.n terii raah se haTane ko haT gayaa lekin
mujh to ko_ii bhii rastaa nazar nahii.n aataa

dhuaa.N bharaa hai yahaa.N sabhii kii aa.Nkho.n me.n
kisii ko ghar meraa jalataa nazar nahii.n aataa

mai.n apane Khvaab se bichha.Daa nazar nahii.n aataa
tuu is sadii me.n akelaa nazar nahii.n aataa

ajab dabaav hai in bahrii havaao.n kaa
gharo.n kaa bojh bhii uThataa nazar nahii.n aataa

mai.n ek sadaa pe hameshaa ko ghar chho.D aayaa thaa
magar pukaarane vaalaa nazar nahii.n aataa

mai.n terii raah se haTane ko haT gayaa lekin
mujh to ko_ii bhii rastaa nazar nahii.n aataa

dhuaa.N bharaa hai yahaa.N sabhii kii aa.Nkho.n me.n
kisii ko ghar meraa jalataa nazar nahii.n aataa

mai.n apane Khvaab se bichha.Daa nazar nahii.n aataa
tuu is sadii me.n akelaa nazar nahii.n aataa

ajab dabaav hai in bahrii havaao.n kaa
gharo.n kaa bojh bhii uThataa nazar nahii.n aataa

mai.n ek sadaa pe hameshaa ko ghar chho.D aayaa thaa
magar pukaarane vaalaa nazar nahii.n aataa

mai.n terii raah se haTane ko haT gayaa lekin
mujh to ko_ii bhii rastaa nazar nahii.n aataa

dhuaa.N bharaa hai yahaa.N sabhii kii aa.Nkho.n me.n
kisii ko ghar meraa jalataa nazar nahii.n aataa