haath meraa ai merii parachhaa_ii.n tuu hii thaam le
ek muddat se mujhe to suujhataa kuchh bhii nahii.n

shahar-e-shab me.n kaun-saa ghar thaa na dii jis par sadaa
niind ke andhe musaafir ko milaa kuchh bhii nahii.n

umr bhar umr-e-gurezaa.N se na merii ban sakii
jo kare karatii rahe mai.n puchhataa kuchh bhii nahii.n

[umr-e-gurezaa.N = fleeting life]

vo bhii shaayad ro pa.De viiraan kaaGaz dekh kar
mai.n ne us ko aaKhirii Khat me.n likhaa kuchh bhii nahii.n