The biggest Urdu poetry web site of the world. Thousands of Urdu poems/ghazals. No need to download or install any font. First and largest Urdu portal from Pakistan.
Aankhon Mein Bas Ke Dil Mein Samaa Kar Chaley Gaye
Khwaabida Zindagi Thi Jaga Kar Chaley Gaye
Chehrey Tak Aasteen Woh Laa Kar Chaley Gaye
Kya Raaz Tha Ki Jiss Ko Chipa Kar Chaley Gaye
Rag Rag Mein Iss Tarah Woh Sama Kar Chaley Gaye
Jaisey Mujh Hi Ko Mujh Say Chura Kar Chaley Gaye
Aaye Thay Dil Ki Pyaas Bujhaaney Ke Waastey
Ikk Aag Si Woh Aur Lagaa Kar Chaley Gaye
Lab Thar-thara Ke Rah Gaye Lekin Woh Aey "Jigar"
Jaatey Huwey Nigaah Mila Kar Chaley Gaye ….!
Leave a reply
You must be logged in to post a comment.