faasalaa to hai magar ko_ii faasalaa nahii.n
mujhseY tum judaa sahii dil se to judaa nahii.n

aasmaa.N ki fikr kyaa aasmaa.N Khafaa sahii
aap ye bataa_iiye aap to Khafaa nahii.n

kashtiyaa.N nahii.n to kyaa hausaley to paas hai.n
keh do naa Khudaao.n se, tum ko_ii Khudaa nahii.n

liijiye bulaa liyaa aap ko Khayaal me.n
ab to dekhiye hame.n ko_ii dekhataa nahii.n

aa_iiyye chiraaG-e-dil aaj hii jalaaye.N hain
kaisii kal havaa chale ko_ii jaanataa nahii.n